خطيبة اخوي والملجه

السلام عليكم حبيباتي

المشكله ما تتعلق فيني

او بالاحرى مب مشكله بس ابا نصايحكم

وحده من اهلنا حجزناها حق اخوي وهي حليلها ربيعتي روح بالروح عمرها 16 واخوي 21

صارلنا سنه كامله ونحن حاجزينهاا ايون يخطبونها وترفض والسبه انها محجزوه حق اخوي

اخوي يبا ياخذها عقب لا تخلص دراسه وهي بعدها ثاني ثنوي

امها ادزها عشان تعرس وتوافق وهي حليلها ما تبا غير اخوي

رمستني جمـ(ن) مره عشان اقنعه عشان يخلي الملجه الحين والعرس عقب وهو مب طايع

انا تعبت من كثر ما احاول ومب قادره اقنعه

حليلها هي تعبت بعد من كثر ما تتريا ومن حقها تملج وتعرس

ربيعاتها ملجن وعرسن والحين حوامل وهو يالسلها عقب الدراسه عقب الثانويه

والله غامضتني وااااااااااايد تصيح تقولي بس ملجه مب عرس

وهو يتعدز ويتعلث

بليييز عطوني طريقه اقنع فيها اخوي ان يملج عليها الحين

بلييي بنات

مرحبا
قوليله البنت تنخطب وهيه ترفض تترياك وامها ضاغطه عليها اذا انته تباها خذها الحين مافيها شي باقلها سنه وبتخلص بس هوه يمكن خايف انها ما اتكمل بعد الملجه واتجدم العرس

يا بنت الحلال هاي ياهل . . يعني مب إنها كبيرة عشان
تصيح أو تتحسر على حالها إن رباعتها كلهن عرّسن . .
خليها تخلص دراسه وعقب تصير الملجة وين المشكلة ؟
يعني الحينه عمرها 17
يوم بتخلص الثانوية نقول 18 يعني بعدها صغيرة مب
إن فاتها القطار مثل ما يقولون ليش جيه وايد مستعيلة ؟
خليها تفكر في مصلحتها قبل كل شي الله يوفقها يا رب

خليها تروح لنصيبها احسن يمكن اخوج ما يبغي يتحمل المسوؤلية من الحين….

انا اشوف انها صغيره حتى ع الملجه

وهو بعد صغير ومن حقه يتعلث يعني اكيد بيكون خايف وشايل هم للحين ماكون نفسه عدل حتى لو ملجه ترى هذا يتعب تفكيره ويتعب نفسيته بيلس يفكر وايد مب مثل البنت

وهي وايد صغيره يعني يا انها تصبر بس بالاول تتأكدين ان اخوج يباها مب مغصوب عليها هذيك الساعه قوليها انه اكيد لج .ز وماعليها من ربيعاتها ترى بتندم اذا يلست تقلد بس وايد تطلقن والسبه تضايقن ليش ربيعاتهن تزوجن قبلهن واخرتهن اطلقن وهن بعمر الـ 16 والـ17

حرام تظلمينها وتظلمين اخوج

خليها تصبر اذا اخوج يباها اما اذا مايباها خليها تشوف نصيبها .. ولا تستعيلون عليهم اللي الله كاتبه بيصر

والله يوفقهم يارب

نفس الراي