يا احلى بنااات منتدى
والله اليوم يا طويلات العمر في الطاعه بأذن الله جاني نشاط مو طبيعي <<عسى الله يديمه بس
فقلت خلوني اسوي غداء محترم لــ ابو الشباب ربي يخليه لي
احترت شو اسوي ورحت وجيت ومترت البيت رايحه راده شو اسوي شو اسوي <<والله لو بخترع الذره ما سويت كذا
المهم فتحت الثلاجه ابي اشوف شو موجود فيها فحصلت صدور دجاج فقلت يا بنت مسويه فيها لسى صغيره
سوي رز مع خلطة الدجاج بجد يا بنات لذيذه واتعب وانا اقول لذيذه تدرون ليش ؟ لا نها من يدي
المهم رحت احضر المقادير
ادري طولتها وهي قصيره فديتكم يلا راح احط لكم المقادير مع الطريقه مره واحده
وان شاء الله تعجبكم
هذي صور المقادير
صدور دجاج مخليه من العظم مقطعه قطع صغيره
حبه طماط مقطعه الى قطع صغيره
وحبه فلفل بارد مقطع الى قطع صغيره
وحبتين فلفل حار نسيت اصوره لا تروحون تقطعونه إلا للي بحب الاكل الهندي
وحبه بصل مقطع الى قطع صغيره
وشوي زيت
وكزبره مفروومه
2 معجون الطماط بعد نسيت اصوره
2 ملعقة زبادي
ومكعب ماجي واحده بس المكعب
ملعقه وسط لكل من
بهارات مشكله
ليمون اسود مطحون
وفلفل احمر حار
وزنجبيل
وكركم
وهذي صدور الدجاج
يقطع الدجاج الى قطع صغيره
[IMG]https://files02.arb-up.com/i/00010/ca77idr3pmq7.jpg[/IMG
تروحين تحطين البصل على النار بدون زيت في البدايه وتخلينه لغاية ما يذبل بعدين تحطين عليه الطماط
بعدين الفلفل البارد والحار وتحركينهم لغاية ما تحسين انها بدأت تذبل وبعدين حطي الزيت عليها وحطي
البهارات بأنواعها وحركيهم لغاية ما تتجانسمع بعض واتركيها على النار مدة عشر دقايق وخفضي النار عليها
وروحي اسلقي الدجاج مدة ربع ساعه وصفيه بعدين من الماء وحطيه على الخلطه
وهذي صورة الخلطه كلها مع بعض وهي على النار
[IMG]https://files02.arb-up.com/i/00010/2c66ha6ecu7r.jpg[/IMG
بعدين حطي الكزبره خلي الكزبره في النهايه وخفضي شوي على النار
بعدين روحي اسلقي الرز طبعا تكوني منقعته لمدة نص ساعه بماء عادي
وحطي القدر على النار مع بهارات صحيحه وهي عباره عن ورق غار 3 حبات و5 حبات هيل و5 حبات قرنفل
وخليه لغاية ما يغلي الماء
وهذا بعد ما حطيت عليه الرز وصار يغلي وحطي شويه زيت مع الرز وملح
وبعدين لما يستوي الرز تروحين تصفينه من الماء المتبقي
بعدين تروحين تحطينه على خلطة الدجاج وهدي صورة الخلطه بعد ان استوت
وهذي بعد ما حطيت الرز
وقبل لا تقدمينه وهو على النار حطي مطحون الزعفران اذا عندك او شوي كركم
وهذي سفرة غدانا مكتمله وقبل لا انسى سويت معه شوربة الفطر وسلطه حااااره
وهذا شكل الرز عن قرب
وهذا الصحن لا اول وحده ترد
اتمنى ان ينال غداي استحسانكم وتجربووه لانه جد لذيذ الطعم
واتمنى انكم لا تبخلوا على بالردود
وقبل لا انسى فديتكم انا منزله هــ الطريقه بمنتدى ثاني وبنك ثاني بس حبيت
اوضح علشان ممكن تكون واحده منكم مسجله بالمنتدى وتجي وتقول اني لا طشته
دعواتكم
لذييذ .. بجربهآ ان شآآآء الله..
تسلمين يا الغاليه ع الطريقه…
يوعتيني
مشكورة ع الوصفة
وبالعافية ع قلوبكم .*