خواتي بالمنتدى وينكم ؟؟؟ محتاجتكم

مشكلتي اني ما اداني مرت خالي وما احبها ولا احب اشوفها ولا اسمع طاريها ولا احب اكون موجودة في المكان اللي اتكون هيه موجودة فيه لانها بصراحة اتفر نغزات علينا ولا تتركنا بحالنا وتتكبر بشكل ما تتصورون يدامنا وتبغي تعرف كل اخبارنا مع اني مول ما سويتلها شيء ولا عمري تجادلت معها ولا رفعت صوتي عليها والله العظيم اني محترمتنها ويا خسارة الاحترام فيها ومن جذي قررت اني ما احضر عرس بنت عمي لانها راح اتكون موجودة هناك وصدقوني يدام الناس تكون وايد طيبة وزينة بس يدامنا تظهر على حقيقتها . تعبت منها والله تعبت. ومثل ما يقولون الضغط يولد الانفجار واخاف انفجر عليها واطلع كل حرتي فيها اذا شفتها في العرس فا شو رايكم في السالفة اروح العرس ولا ما اروح ؟؟؟؟؟

خليها حالها حال الكرسي الي يالسه عليه وخلاص ^^

الله يهديها

بالعكس روحي ولاتعطينها ويه ولاتسولفين معاها مووووووووول واذا يت تسولف خليها تخلص كلامها وقومي
من المكان اللي هي يالسه فيها ويلسي انتي وخواتج بعيييييده عنهااااااااا

خلوها تحس انكم فهمتو حركااااااااااتهـااااااا وانكم استويتو تبعدون عنها

انا وحده جذي كانت تطفر بي وكنت احرم عمري من الطلعات لاني مابا اشوف ويها

بس الكل نصحني اواجها واسوي طاف لها واحرق اعصابها

لين هي استوت تتغير بشكل غير طبيعي وتتلصق وتحاول تردني شرات قبل اسمع لنغزاتها

انتي لاتعطينها فرصه تقط النغزااااات واذا قطت ردي عليها والا اضحكيييييييييي

المهم لاتعطينها ويه ووبس