خواتي شو رايكن في هاي الزوجة

شكت في السالفه وهو طبعا رقاده ثقيل خذت الموبايل وفتحت المسجات انصدمت من اللي شافته
وقالت ياليتني ما عرفت طلع الحبيب يعرف حريم ويرمسهن .
طبعا الحريم من عادتهن ما يفكرن اذا شافن ريلهن غلطان سيده راحت لريلها ووعته ( منو هاي الحرمه اللي ترمسها وكاتبه انها تحبك وتموت فيك ) .
طبعا الريال يستعبط ما اعرف ؟ هذا مسج واصلني بالغلط ؟ تلفوني عطيته اربيعي وهذا المسج مطرشتنه حرمته ؟…………………………………………. …….. الخ
المهم الحرمه ما سكتت خبرت اخوه وقالت رمسها وعرف السالفه وعطته الرقم .
طلعت الحبيبه تعرفه من زمان وبينها وبينه علاقة حب ………………………………….الخ
راحت الاولى
بدت علاقة الحرمه ويا ريلها تتغير كل يوووم مشاكل وضرااااااااااابه وهي حليلها ما تخبر حد
والكل يحسب انهم احسن زوجييين في العالم .
وكل مره تشوفه نايم وناسي تلفونه تشيك على المسجات والمكالمات .
مرة ثانية وحدة ثااااااااااااانيه بغت تتخبل الحرمه شو الحل شو اسوي ويا ريلللي احبه وما با اخسره
صبرت شهور عل وعسى يرد على طبيعته ويمكن هاي طبيعته من الاساس .

بس المشكله زادت وكبرت وحدة ثالثه ورابعة وخامسه عاد الحرمه ما سكتت زخت ريلها وقامت تسأله
شو نقدت علي ؟ وليش خذتني من الاساس اذا انت ما تحبني ؟ وليش تكذب علي وتقولي اني حبيبتك وكل شئ في حياتك ؟ ………………………………………….. …..الخ
وتمت مرة تصيح ومرة ترمس مقهورة .
وهو يحلف ويكذب ويسب ويلعن و……………………………………….الخ
المهم اخر كلمه قالتها اسمع مثل ما انت تكلم هاي البنات انا ما بعور راسي وبكلم شبااااااااب .
رد عليها مقهوووووووووووور وشويه بيضربها ( والله يذبحج وبفر راااااسج فوق جبل حفيت ) طبعا هم من العين .
راحت الحرمة وما عارفه شو الحل .

بعد فترة دخلت على خط الرمسه في اتصالات وشتركت معاهم وقامت المسجات الصوتيه تغريها .

وتعرفت على واحد وهي كانت خايفه على سمعتها وخايفه انه يكون واحد من اهلها …………الخ
بعد فترة ما حست بعمرها الا وهي ترمس اكثر من واااااااااااااااااحد ولين الحين مستمره .
تتعرف على هذا وطنش الثاني .
حاولت توقف بس للاسف الشيطان اشطر .