السلام عليكم ورحمة الله وبركاته
اشحالكن الغاليات ربكن بخير ونعمه
طبعا هاي اول مشاركه لي فمنتداكم
حبيت تخبركن عن التكيس لني معرسه من 9شهوووور تقريبا
وللحين ماحملت سرت عند اوراس عسب اطمن قالت ليه عندج تكيس
وسوتلي تحليل دم قالت الهرمونات عندج الحمدلله زينه مابلاها شي
عطتني دوا اسمه جلوكوفاج بغيت اعرف هل التكيس خطييير وممكن اطول لين احمل ولاانه مشكله بسيطه اتمنى من الخوات اللي يعانن من هل المشكله يخبرني كم سنه طول علاجهن وهل اوراس علاجها اوكي ولا اطبها ارجو انكم ماتلبسوني وتردون عليه لني عايشه مأساه……
والسموحه منكم ع المغثه
خويتكم
غرنوووقة
الغالية الصراحة مادري عن اوراس انا بعد فيني تكيس لين الحين مايبت شي لكن الدوا اللي عطتج وايد زين بالعكس واضبي عليه انا كنت اخذ منه بعده ماكملت العلاج وتركته لكن الحين في وحدة من الخوات عطتني رقم دكتور يعالج بالاعشاب في بوظبي يقولون انه وايد زين بتصل فيه وبكلمه عن مشكلتي باخذ عنه الدوا المناسب واذا استفدت انشاء الله ماراح ابخل عليج الغالية ربي يزقنا بالذرية الصالحة بس عليج بالاستغفار كثري بعد كل صلاة لانه وايد زين
اختي غرنوووووقه لا تخافين عزيزتي التكيس مب خطير شكلج بس اتحبين تاكلين الفاست فود وايد … ان شالله خير وتداركي الموضوع من البدايه …… في دكتوره ممتازه واستشاريه في مستشفى القاسمي بالشارقه وعندها عياده خاصه في منطقة حلوان ايضا اسمها الدكتورة فاطمه نوح اذا حابه تزورينها بترتاحين وايد خصوصا شاطره في مواضيع التكيس، واتعالجي اختي لان الموضوع هذا يمكن يعرقل مسالة الحمل ….. وان شالله خير 
ما عليج شر ان شاء الله
أأنا نفسج معرسة من عشر شهور وعندي تكيس بسيط…بس أنا حملت وعقيت قبل ما عرف أنه فيه أكياس…وسرت عند دكتورة في الفردان وعطتني جلوكوفاج وأنا الحين مستمرة عليه وبسير باجر اسوي تحليل الهرمونات…ان شالله خير..والله يرزقنا…على فكرة بنت عمي اللي معرسة ويايه كان عندها أكياس والحين حامل في شهورها الأولى…لا تخافين…كله بيد الله…
يالله يامجيب دعوه المضطر اذا دعاك يالله يارحمن يارحيم برحمتك استغيث ثبت حمل كل حامل وقر اعينهم بالذريه الصالحه المعافاه كامل الخلق والخلقه بدون زياده ولانقصان
ويالله يارب العالمين ترزق كل محرومه بالحمل السليم عاجل غير آجل
"آمين يارب العالمين..
ويالله يارب العالمين ترزق كل محرومه بالحمل السليم عاجل غير آجل
"آمين يارب العالمين..
المشاركة الأصلية كتبت بواسطة زوجه الياسي 
يالله يامجيب دعوه المضطر اذا دعاك يالله يارحمن يارحيم برحمتك استغيث ثبت حمل كل حامل وقر اعينهم بالذريه الصالحه المعافاه كامل الخلق والخلقه بدون زياده ولانقصان
ويالله يارب العالمين ترزق كل محرومه بالحمل السليم عاجل غير آجل
"آمين يارب العالمين..
ويالله يارب العالمين ترزق كل محرومه بالحمل السليم عاجل غير آجل
"آمين يارب العالمين..
اللهم آمييييييييييييييييييييييييين .. الله يرزقكن بالذريه اللي اتقر بها اعيونكن يارب العالمين …ما عندي فكره عن الموضوع وعيبني دعا الاخت وسويت له اقتباس .. الله يرزقج يارب
ميروووه