مادري مكان موضوعي صح والا غلط اعذروني
اليوم حابه افضفض باللي ف داخلي لان احس نفسي بنفجر نفسيتي تعبت خلاص ابا اصيح لكن ماسكه نفسي لاني ف الدوام
تعينت في جهه حكوميه محليه ف دبي شهر 7 السنه لي طافت ووقعت معاهم عقد مؤقت على اساس 3 او 6 شهور واتثبت بالكثير
لين سنه وقلت ان الله مع الصابرين وصبرت واتابعهم واراجعهم وهم كل يوم بعد كم شهر ومره لين نحصل شاغر وقلت بصبر لين
سنه يمكن بعد هالسنه اتثبت وصبرت وصبرت لين حملت وبدا معاي الوحام واضطريت اغيب واخذ مرضيات تفاجات بان الموظف
ماله حق ياخذ مرضيه آمنت بالله قالوا يعتبرون اجازه بدون راتب قلت ماعليه الزم ماعلي صحتي يعني الشهر الياي انسى شي اسمه
راتب لا حول ولا قوة الا بالله ,,,, عقب قالولي تعالي وقعي العقد اليديد قلت فرجت والله فتحها علي من اوسع ابوابه تخيلوا رحت
الموارد البشرية وانصدمت ان العقد بعده مؤقت لين سنه جدام بعد كل هذا عشان ماداومت كم يوم حسبي الله ونعم الوكيل
المواطن اللي اعرفه يتثبت لين 3 او 6 شهور وانا بيخلوني سنتين والله قهر كل اللي توظفوا بعدي تثبتوا ويحق لهم يطلعون اجازات
سنوية وحتى مرضية وانا لا ليش هالظلم كله ليش ؟؟؟؟؟
بليز اللي تعرف وين اروح اشتكي بشكل رسمي تدلني وبكون شاكرة لها
يمكن بعدهم يبون يختبرون شغلج
او كاتبين عنج تقرير
انا ثبتوني ف 3 شهور
إن الله يبتلي العبد ليحبه و يمكن ها الدوام مب خير لج
استخيري و فكري و عقب رمسي مسوولين
الله يوفقج
اختي دوري مكان ثاني
الاصالة ف دبي الدوامات تحصلينها بالتفق الحين
ما اعرف شو أقولج غير ربي يوفقج وانتي حاولي كلمي حد فالاتش آر او اي مدير
المشاركة الأصلية كتبت بواسطة اللهم أحببتك 
إن الله يبتلي العبد ليحبه و يمكن ها الدوام مب خير لج
استخيري و فكري و عقب رمسي مسوولين
الله يوفقج
ربما هذا امتحان لك اختي العزيزة … مالنا سوى دعوات بأن يكتب لك الله التثبيت قريبا جدا دون الحاجة لأحد