ديسير روعة

السلام عليكم
الديسير يتكون من ثلاث طبقات
الطبقة الأولى: نصف لتر من الحليب+ 3 ملاعق كبيرة مايزينا + 3 ملاعق كبيرة سكر
نديروها على النار شوية مهيلة مع التحريك حتى يختار الحليب
من بعد نكبوه في طاسات نخليوه حتى يجمد غادي ديري صبعك عليه الا ماطلع والو فيه يكون جمد
تكوني قطعتي الفواكه قطع صغيرة على حسب اللي عندك وتحطي فوق الحليب

الطبقة الثانية: نصف لتر من عصير البرتقال + 3 ملاعق مايزينا + 3 ملاعق سكر
نفس الطريقة تخليه فوق النار حتى يختر مع التحريك الدائم
نكبوه فوق الفواكه ونخليه يجمد ونشوفه بنفس الطريقة الاولى

ثم نحط الفواكه على فكرة انا جربت العنب يجي مذاقه هائل مع البرتقال

الطبقة الثالثة: كاوبيل انا استعملت نسكويك 4 ملاعق كبيرة + نصف لتر حليب + 3 ملاعق مايزينا
نفس الطريقة حتى تختر ونفرغه

من بعد تاخذي الشكلاط الابيض وتقطعيه قطع صغير انا حكيتها وترشي من الفوق

وهذا شكل الطبقات

وهذا شكل ثاني

ايوا بصحتكم وراحتكم جربوه وردو علي الخبار راه يجي زوين
لاتنسوا الدعــــــــــــــــــــاء