ذكــــريــــــــــــاتـــنــا الحـــلـــــوة فــي LONDON

تقريبا كانت ثلاث شهور ،، استانسنا وضجنا وبغينا نرد وبغينا نتم ،، وحد يانا وحد روح ووكنا احنا الصامدوون هههههههههههههه

كانت سفرتنا على طيران الأمارات .. الصوره من النت ،،

ودخلنا ال، emirates lounge لانه تذاكرنا كانت على البزنس الا ثنتين او ثلاث لانه كانت فل فطبعا يلست البشكاره ورا ومحد فينا يبا فيلسنا اخوويه الصغير مسكين وكل شوي ناط عدنا لين حصلنا كرسي وقلنا حق المظيفه ،، بس في الرده كلنا مع بعض

كانت طيارتنا 2 فليل وخلق الله من ركبوا الطياره نزلوا الكراسي ورقدوا الا انا طبعا ما ارقد >> ما ادري وسواس ولا شو ،، لوول

وكلهم انجليز ويانا جان اصور الحلوين وهم راقدين ،،

بتقولون متفيجه بس شو اسوي الملل وفعايله

ووبينت لندن مدينة الضباب

وأول ما وصلنا كان الجو يجنن غيم وبرااااد عندهم ما كنا متوقعين لان بالعاده مب هذا توقيت سفرنا ،،

والــحينه مقتطفات من الصور ،،

بـــاص لندن الأحمر الشهير

التلفوون العمومي ،،

طبعا الشحاته عندهم مطووره شوويه ،،

تحصل واحد يغنيلج ولا يدقلج ،، وكان واحد كل ما يشوفني يعطيني شمعه وكلام مكتوب في ورقه وهو أبلم وانا اخذ الشمعه وأروح لين تيمعن فالبيت ويوم قريت استوعبت انه ابلم ويبا 2 باوند عشان نساعده حق العمليه وحتى قلبي عورني لانه دووم يضحكلنا ويعطينا وهو مبتسم بس سرتله مره ثانيه وعطيته

وحصلت صورة واحد واخويه مترووع منه (( طبعا اخويه بيكون نجم الموضوع لانه طالع في اغلب الصور ))

وبعض الأشيا التاريخيه عندهم ،،

Harrods

طبعا هالمكان غني عن التعريف ،، هو يعتبر من اشهر الأماكن الي يقصدونها السياح في لندن ،، وصاحبة مليونير مصري واسمه دودي الفايد ،،

وهذا شكله فليل

وهذا تمثال الفايد في هارودز وكانت بشكارتنا واقفه عداله اونه تبا تراوي امها ونحطها في النت وانا حققت امنيتها ،،

ولان يلسنا وايد ،، فققرت اميه مره نودي اخويه الصغير المتاحف لانه دوم تقول الواحد في السفر لازم يشوف ويجرب كل شي يخص هالدوله واحنا مب من محبين المتاحف بس يوم سرنا استانسنا ،،

Natural Muesum

مجسم العقرب وعداله عارضين عقارب صدقيه لكن هذا المجسم يتحرك ويراويج كيف يوم يلدغ ،، وفي وايد اقسام في المتحف بس ما صورنا ،،

وزرنا متحف عداله في قسم الأزياء وعارضين فساتين مثل مال ديور مال سنه 1950 >> مب متأكده من التواريخ بس اعطي مثال ،، وفي القسم الحضارة الإسلاميه ،، وقسم فوق مال لبس الملكه واغراضها ،،

بس هاليوم كان منحووس ،، لانه اكتشفنا انه البشكاره شردت معنه كنا متأكدين 100000000000% ما بتشرد وخلت اخوويه الي اكبر عن الي ويانا رووحه معنه قبل بخمس دقايق كانت مكلمتني ،، واخويه ما اكتشف انها شردت لين ما خبره ابوويه وسأله قال كنت اشوف التلفزيون وسمعت حد يسكر الباب ،،

ونكـــــــــــــــمـــل الرحله من دونها ،،

Hyde Park

بعرضلكم بعض الصور في الهايد بارك ،،

والقوارب الي فيها

شوفوا الخوف شو يسووي من الجلب

ويوم نأكل البط والحمام والسناجب ،،

يوم سرنا عندهم نبغي نخبرهم بالمصيبه انه ضيعناه خخخخخخخ >>>>> حصلناهم لافييينه بشال للأحتياااااط واستوا اختنا مب اخونا

وانتوا سايرين عند لندن اي في عرووض وتعطينهم فلوس بس يونسوون الصراحه

والي ورا الريال كانوا قوم ابوويه وخالي وربيعهم وعايلتهم ،، ويشوفوون اذا بنسير عند هالريال لانه شوفوا شو يسوي يوم تعطينه

ويييوم يتيمعوون البنات ويزييد الخبال قلناااله احنا بنحطلك فلووس بس لا تمسكنا وحطيناله الفلوس وشردنا تمت العملية الأجراميه عقب ما اطمنوا انه مستحيل نتقرب منه وتجدمونا واحنا سويناها من وراهم خخخخخخخ

عقب ركــبــنــا ،،

وبعض الصور من london eye

هذي المحطه الكبرى للقطارات في لندن ،،

وهذا شكله من برع ،،

وشووويه زحمه هناااك ولازم تيسيرووله من وقت قبل لا يسكر وانتوا واقفين في اللاين ،، والحينه نجمين يداد على الساحه اخويه الأكبر وربيعه وديناه ويانا يوم سرنا ،،

وأثبتوا جدارتهم في كل الصور

ويل سميث ،،

سبايدر مان

نسيت اسمه طنشوا ههههه

الأميره ديانا وكان هذا لبسها الصدقي وعطوه المتحف ،،

الملكه وهل يخفى القمر منو قدنا واقفين عدالها كنا ههههههه

صدام حسين وياسر عرفات ،، كانو زايغين يوقفون بس احنا اقناعهم انه عادي الا تمثال ما خليتوا شي ما اصورتوا وياه ،،

أكسفورد ستريت

بيكاديلي

هذا مكان عجيب اكشفتناه اخر شي ووصلنا عند فريج الهنود ورانا ورانا ههههه

وشوفوا اخر يووم شو ظهرلنا ،،

كاااااااااااااااااااااااااااااااان WOOOOOOOOOOOOOOOW بمعني الكلمه وكل حد طالع يشووفه

وجــــــــــــــــــــــاء موووعد الودااااع

ونقوول

Bye Bye London

ما كنا نبا نرووح اخر يووم ،، شفنا الجوو بعد وكل حد يقولنا حر البلادواحنا مطر صبيب ،،

والدريولية هنيييه كانوا يحطولنا المظلات وبسرعه يركبونا السيايره عن تخرس ثيابنا ،، وانا واختي واخويه ركبنا سياره واتريينا الباجين يركبون السيارتين الباجيات ،،

وردينا لمطار Heathrow

الدريوول قالنا جهزوا الكيمرا بتطلعلكم طيران الإمارات حاطينها على الدوار بس كنا حزينين ما استوعبنا الا يوم وصلنا وهالصورة الي طلعت

اخواني يودعوونكم عقب رحلة طويله ومليئة بالمفاجأت والظاهر الي ورا شكله ناويه يكفخه وهذاك سرحان يحسب كم دقيقه ونركب الطياره على قولته ما اتهنى فالإجازه ما لعب ويا عيال عمي

Finally

ركبنا الطياره ورجعنا إلي أرض الوطن