راد متأخر وما طعت ابطل له الباب

السلام عليكم

بنات انا متضااايقة واااايد منه البارحة راد البيت الساعه اربع الفير خلاني ارقد بروحي والله طلع ويا ربعة الساعه 11 وقال برجع الساعه 1 ولكما اتصل له يقول قريب وياي ومادري شو بعدين يوم رجع اتصل لي عشان افتح له باب الشقة لانه مفتاحه في السويج والسويج في البيت ف رديت قلت له دق الباب لان عمو عندنا وراقدة ف قلت له اذا تبا تدخل دق الباب او الجرس عشان عمو تنش واتشوف انك راد هالحزة تم يتصل ويتصل ويترجاني ابطل جان يقول عطيني السويج وبسير ارقد في السيارة جان ابطل وييت برقد عند عمو جان يزخني ورقدت عنه ولا كلمته واول مرة ازعل عليه جيه واذا كلمني اسكت واقوله مابي اتكلم المشكلة ما يقول لي بتاخر يجذب علي ويقول الحين ياي وقريب البيت وتحت عند المواقف ومن هناك هو ع الكورنيش ويا ربعه اللي دوووم معاهم رقدنا ونحن متزاعلين هاي مب اول مرة يتاخر فيها ويخليني بروحي احيانا يتاخر يوم اكون روحي يعني عمو مش دوم عندنا بس اول مرة يتاخر فيها للساعة 4 الفير ويعرف اني ماروم انام قبله وقلت له هالكلام وحاول يراضيني بكل الطرق بس انا ما رضيت لاني كلما ارضى ويرد يتاخر فهالمرة قلت بطول زعلي شوي عشان يعرف اني جادة

شو رايكم اكلمه والا اخليه يحس اني هالمرة زعلانة من خاطري والا شو

ما عليه صلي ع النبي
و قوليله انج انتي زعلانه عليه لانه ما قالج الصدق و لف و دار .. اذا ياي يراضيج و طبعا بيي
بس لا اتمين زعلانه لانه مهما شاف عمره غلطان بينجلب الزعل عليج
فخذيه من النهايه انج ماحبيتي الي استوا
و الله يخليكم لبعض

والله ماعرف شو اقولج
بس ربي يهديه لج ويهديج له

لا تتنازلين بسهوله ،،، يعني الين ما اتحسين انه متندم ومره ثانيه مارح يعيدها ،،، ترى صعب اذا تطبع على هالشي بعدين بتتعبين وايد

حبوبة انا اقول لازم تعودينه مايطول فالسهر برع مب زين خص انج مرات اتمين روحج
وربعه يطلع معاهم العصر ولا لمغرب بس ما اتمين اروحج فشقة شو هذا مايخاف عليج
اذا طوفتيله مره بيمصخها وبيحط فباله انج كلمتين وبترظين
ايلسي وياه واتفاهموا وحطي شروط يعني مثلا اذا تاخر عن ١١ يدفع رسوم دخول عاد ٥٠٠ ولا الف الي تبينه ومثلا اذا تاخر عن ١٢ يرقد فالصاله واذا طول اكثر قوليله مابفتح لك الباب ومن هالسوالف
خلي يرد من وقت اييب فلم اطالعونه سوا ولا خليه يساعدج فالعشا وسوولكم سفره صغيره بشمووع وحركات
قوليله اليوم تعال من وقت بسويلك مساج تايلندي ولا بسبحك ولا العاب زوجية ومن هالسوالفف
بس لا تفوتيييله ابد ابد ولا بيتعوددد ازعلي ومصخيها شويي مب مشكلة ^^*

صحيح