السلام عليكم و الرحمة
اول مشاركه لي في قسم الطبخ 
و ان شاء الله تعجبكم طبختي .. سويتها للسحور قبل كم يوم
اعرف انها عادية بس لذيــــــــــذه عشان جي حبي اشارك بيها
و سوري عالتصوير نكم بالمبايل و الباقي بالكام
نبدأ بالمقادير: عاد السموحه ما صورت لكم كل المقادير
بصلة مقطعه صغار
فص واحد ثوم+ فلفل اخضر حار قرن واحد+ قطعة زنجبيل صغيره مدقوقين مع بعض
فليفه خضرا مقطعه
4 حبات طماطم متوسطه حطيها في الخلاط مع كوب واحد ماي
كيلو ربيان مقشر و منظف و مغسل
ملعقة طعام ملح
ملعقة شاي فلفل اسود
ملعقة شاي كمون مطحون
ملعقة شاي كركم
ملعة شاي ودرة الكاري
ملعقة صغيره بذور خردل + ملعقة صغيره سنوت حب
في قدر نحمي زيت نباتي و نضيف عليه بذور الخردل + السنوت الحب
نحركهم ويا الزيت نص دقيقة و عقبها نضيف البصل عليهم و نتركه لين يتحمر
و بعدها نضيف الفيلفه و نحركهم
و عقبها نضيف الربيان و تم نحركه لين ما يتغير لونه يصير ابيض
و ينشف الماي اللي يكون نازل من الربيان..
و عقبها نكون مجهزين عصير الطماط اللي سويناه في الخلاط
و نصبه على الربيان .. بتلاحظون ان لون المرق في البداية بيكون وردي .. لأن عصير الطماط فرش
نخليه يطبخ و تمتزج المقادير مع بعض تقريبا 10 دقايق او ربع ساعه
و بيكون اللون صار تحول لــ
وووو بس تكون الطبخه جهزت
تكونين مجهزة العيش الابيض عشان تاكلينه وياه …
و بالعافيه عليّ و عليكم
دعواتكم لي بالتوفيق
تسلم ايدج يالغاليه
تقدرين بعد تسوينه سندويشات يطلع روووووووووووووووووعة
تسلمون عالمرور
صاحبة السمو . ..
بجرب المره اليايه في السندويش فكره حلوه