اليوم اخوي كان في خاطره ربيان مقلي.. و طلب مني اني اطبخه لهم حقه هو اخواني و ربعهم
وسار سوق السمج و زين انه لحق عشان يشتري ربيان..
براويكم الخطوات.. عاد انا اصور و هم يضحكون علي اونه متفيجه تصورين لووول
اول شي المقادير..
(طبعا تقدرون تزيدون او تنقصون من كمية المقادير حسب الرغبه)
ربيان 5 كيلو
5 بصل مقطع
10 فصوص ثوم + زنجبيل + 3 فلفل حار
جلجلان (كزبره) + قبضة يد اوراق الكاري
4 طماط مقطع
عصير 12 ليمونه + 100 ملي خل ابيض نسيت اصورهم
بهارات بعد نسيت اصورهم
ملعقة و نص فلفل اسود
ملعقتين ملح
ملعقة كزبره بودره
ملعقة كمون مطحون
ملعقة و نص كركم
اعشاب جافه على حسب ذوقج
انا حطيت شبنت و جلجلان
كل هالمكونات ما عدا الربيان طبعا حطيتها في الخلاط
و عقب تصبين الخليط على الربيان
و تخليطنه عدل عشان يمتزج بيه
تقدرين تخليه يشرب الخلطه كثر ما تحبين بس انا في نفس الوقت قليته
يتبع
شان تكون النتيجه لذيذه
انا استخدمت زبده عشان تعطي نكهه حلوه
و هذا شكله عقب ما انقلى
صوره ثانيه
بعد ما خلصت القلي كان في باقي ماي الخلطه اللي استخدمتها في القدر
حطيت خاشوقه زبده و صبيت عليها الخلطه خليها تطبخ دقيقه و هقب صبيت الخلطه فوق الربيان
و هالصحن للي بترد اول 
تحياتي لكم
و دعواتكم
عااد اخوي يموووت ع ها السواالف .. خخخخخ
بسوووويله… مشكوووورة حبووبة ع الوصفه ^_^
أمووووووت في الربياااااااان … وطريقتج رهيييييييييييبه … تسلم ايدج يا شيخة القلاليف