انا ابي حد يكون ويايه في رجيم مدته شهر .. وهدفي اني انزل من 10 لين 12 كيلو في هالشهر ..
وان شاء الله اوصل للي اباه .. واللي حاب يكون ويايه .. ابي يكون صريح ويايه يعني مثلا لو خربنا يكون فيه امانه انه نقول حق الشخص اللي ويانا عشان يشجعنا ويرفع معنوياتنا ..
منو بيكون ويايه .. وبنكون على اتصال ويا بعض على طول عن طريق المنتدى .. يوميًا تقريبا
كل واحد يقول شو سوا في هاليوم لين نوصل للوزن اللي نباه .. وطبعا كل اسبوع نوزن مره وحده
ويكون نوع من التحدي
انا وزني 79 وطولي 162 .. وابي انقص حاليا 10 كيلو و احافظ وعقب اكمل الرجيم
منو بيدخل ويايه ؟؟؟
بليييز بنات استعيلوا لاني ابي ابدأ الرجيم بسرعه ^_^
انا وزني 80 وطولي 164 وانشالله اوصل للي في بالي واحقق امنيه ريلي هههههه
هاااااا متى نبدأ ؟؟
شو رايج نبدأ من باجر ؟
والوزن نقيسه يوم الاحد الياي ؟
كل اسبوع وتكون روح المنافسه من بينا ؟ لو انتي خربتي في الرجيم انا اشجعج
وانتي بعد ؟؟
انا ناويه باجر ان شاء الله او اللي بعده ,,
انتوا شو رايكم ؟
وزني 73 وطولي 164 ابا انقص تقريبا 15 كيلووو
ومن باجر ان شاء الله ببدأ
جلسات الميزان كالتالي :
23 -5 السبت ( الجلسة الاولى )
30 – 5 السبت ( الجلسة الثانية )
6 – 6 السبت ( الجلسة الثالثه )
13 – 6 السبت ( الجلسة الرابعة )
وان شاء الله ننقص كلنا في هالفتره .. ونسويلنا يوميات نشجع بعض