اليوم ما بحط لكم تقرير لا بنزل لكم مقتطفات من الصور
سافرت ويا اهلي تاريخ 6 / 7 / 2024 الى 21 / 7 / 2024
انا واختي المعرسه وبناتها سرنا ويا ابويه لازم نسير مانصبر عنهم فديتهم وانا الحمدلله وصلتني التذكره جاهزه من ابويه وع البزنس الله يطول في عمره يارب
رحلتنا كانت (( ميونخ ،، النمسا ))
والحمدلله واااايد استانسنا انا متعوده احط لكم تقرير بالتفصيل الممل بس الحين احس عمري ماقدر ع يلسه الكمبيوتر واايد والصور ماشاء الله وايد ومصورتلكم كل شي بس يوم احس عمري فاضيه برتبه وبحطه بس بما اني واعدتنكم بحط لكم مقتطفات من رحلتنا ,,
التصوير كان من موبايلي (( BlackBerry )) الكيرف .. وكم صوره من كيمره
Canon 450D
نبدأ في ميونخ بس ميونخ ولا يوم رقدنا فيها مجرد سرنا لها من الصبح لليل للتسوق بس
هاذا البيت اللي كنا ساكنين فيه ونحن كل سنه نسكن فيه بصراحه العايله النمساويه اللي فيه وااااايد طيبين وخلاص يعرفون لنا وتعودوا علينا
بقولكم بالنسبه للاسعار لمده اسبوعين سكنا عندها وماغيرنا السكن وعطتنا غرف زياده وقالت انا بحسب لكم ع الشخص الواحد طلع علينا الشخص البالغ ب 1500 درهم لمده اسبوعين والصغار ما خذت شي عليهم ,, وكل يوم صاحبه البيت تعطينا لبن من عندهم وبيض
البيت من الخلف
يتبع ،،
هاي الغنقه تستوي سرير
هاي الغرفه اللي في الشقه
من زاويه ثانيه
وهاي بلكونه الشقه
ونفس ها الشقه بالضبط خذناها في الطايق اللي فوقنا المهم بعد خذنا غرف زياده وهاي وحده منهن وفيها بلكوونه
بس احب اوضح لكم معلومه في النمسا لازم يحسبون عدد الاشخاص ومثلاا ها الشقه لازم يسكنونها 3 اشخاص بس بما ان ها الحرمه راعيه السكن تعرفنا من اكثر من 4 سنين وكل سنه حتا لو مانسكن عندها لازم نزورها وتعودوا علينا فهي متفقه مع ابويه ان نحن ناخذ الغرف الفاضيه عندها وفي اخر ليله تحسب لنا ع الايام والاشخاص وخذت علينا الشخص الواحد لمده اسبوعين 1500 درهم والله وااايد حلو السعر واليهال والله ماعرف كم بس مب وايد
وهاي حديقه البيت
وها المنظر مطل من غرفتي
وكل يوم العصر ننزل تحت ونفرش ونحط الفواله
جدام البيت شي نهر وبعد عدالنا قريه تبعد 5 دقايق عن البيت فيها كل شي مطاعم وصيدليه وعياده ومحطه قيطار بعد عدالنا
يتبع ،،
وفي الطياره ونحن رادين ارض الوطن
وها اللي قدرت انزله الحين وان شاء الله اقدر احط لكم التقرير المفصل من اول يوم لين اخر يوم ..
في الاخير دعواتكم لي (( ان الله يسهل عليه ولادتي )) وان الله يحفظ لي اهلي وريلي والبيبي اللي بيوصل قريب ان شاء الله بالسلامه
والله لايحرمني من ابويه الغالي فديته والله يطول في عمره يارب
وبما اني آخر سنه في الكليه دعواتكم ان تتسهل اموووري وانجح يااارب