وهذا الرابط الجزء الاول
https://forum.uaewomen.net/showthread.php?t=459582
وهذا الرابط الجزء الثاني
https://forum.uaewomen.net/showthread.php?t=459962
والحين بكتبلكم قصتي الجزء الثالث بس رجاااء بدووون رد جااارح لني بروحي ف حال لا يعلم فيها الا الله ..
انا ولله الحمد ربيييت من 20 يوم وانا الحين يالسه ف بيت اهلي لني ف الاربعين البارحه سرت بيت اهل ريلي لنه عمتي زاقرتني عشان انقرع الياهل المهم عقب ما قرعوها وخلاص خلصنا كل شي سرت الحجره ريلي دخل الحمام ( عزكم الله ) وانا خذت تلفونه يلست اشوف ف السجل وانا من النوع اللي اشوف موبايل ريلي يوم يكون ف الحمام المهم تميت اشوف ارقام غريبه نص الليل هو يتصل فيهم خذيت كمن رقم وسيفته ف تلفوني على اساس يوم ارد بيت اهلي اتصل من تلفون اختي واشوف منو على حظي كلهم طلعو رياييل الا رقم واحد طلعتلي وحده عراقيه انقهرت يوم قالت الووو كيف تتميع الله ياخذ بليسها المهم خليت اختي اتكلمها على اساس اني انا بس من رقهما طبعا مب رقمي تمت اختي اترمسها وقالتلها اني انا شفت رقمج ف تلفون ريلي اللي هو …… تمت اتقول انا والله ماعرف جي شو تتحريني انا وحده متزوجه ومادري شو هذا اخوي اللي ماخذ تلفوني اختي سألتها منو اخوج شو اسمه تمت اتفكر ف الاسم قالت امممممم احمد ردت عليها اختي قالتلها يبالج وقت لين ما اتقولين اسم اخوج وبعدين اخوج شو يسوي عندكم الصراحه السالفه ما ادش العقل قلنا ريلج اللي بياخذ تلفونج مب اخوج تمت تتهرب جان اترد عليها اختي وقالتلها والله اذا طلعت السالفه صدق بطوفها بس اذا طلعت جذب والله لا يوصل رقمج المخافر جان تبند التلفون ف ويه اختي ردت اختي واتصلت فيها لقت اول شي مشغول وعقب لقته مغلق وعقب رن ولا ردت عليها شو معناااته ؟؟
المهم اليوم سرت بيت اهل ريلي على اساس اني ارتب شنطة ريلي لنه باجر بيسير الدوام وفاتحته بالموضووع قلتله انته تستغل الفرصه واتكلم العراقيات وانا محد هو استغرب وقال انا اكلم عراقيات قلتله هيه قلتله عيل ليش هالرقم ف تلفونك انجلب عليه قالي ليش اتفتشين التلفون كم مره اقولج لا تفتشين تلفوني قلتله انا كحرمه من حقي اشوف عشان احافظ على بيتي قالي انا ااعرف احافظ على عمري وانا الحين توني طالع من الحمام متسبح تبيني احلفلج ع القرآن بحلفلج بس قالي والله اذا خذتي اي رقم وااتصلتي فيه وطلع ربيعي واذا رد اتصل فيج قالي والله لا اطلقج وهو كان معصب وااايد قالي انا ما ارضى قلتله انا مليت من هالحياه انا مب غشيمه جدامك قلتله الحين اتطلقني وايديين ناس يتمنوني مب انته اول واحد ولا آخر واحد قالي اوكي ما تبيني الحين اتسيرين عند امج وابوج وقوليلهم انا ماباه وانا عقب بتصرف وعقب يوم رديت البيت تميت اكلم ربيعتي اتصل هو امي اتقولي لا تردين عليه ازعلي منه خلي يكون فيج حشيمه شوي هو قالج كلمه مب شوي انا ما سمعت كلام امي ورديت عليه قالي شو الحين تبيني ولا لا يا ابيض يا اسود اليوم .. وانا اليوم بسير عند اختي وبقوللها السالفه من الاول وبقوللها تاخذ تلفوني واتفتش ف الارقام وتتبلى عليه واتقولي اتكلم عراقيات وانا ما اكلم قلتله ليش اتقول حق اختك يوم اني انا ساكته ومب مخبره اهلي خلها السالفه بيني وبينك قالي لا هالمره انا مب ساكت انتي زودتيها ومصختيها قلتلها اوكي بتسير عند اختك شلني وياك انا بتكلم لازم تسمع من الصوبين مب بس تسمع كلامك انته قالي لا ومادري رمسته لين هدأ شوي قالي بيسير يصلي قلتله اترياك اتصل فيني عقب ما اتخلص امي يت تمت تهزبني اتقول الحين انتي ما فيج لا حشيمه ولا كرامه بهالسهوله اتراضيتي هو قالج انا بطلقج هاي كلمه مب صغيره وانا ساكته اتصل مره ثانيه وكاااان عادي ولا جنه شي مستوي رمسته عادي قلتله تعال عندي لني كنت ابا ايلس وياه قالي انا بروحي مضيج قلتله مب بس انته انا بعد مضيجه قالي مشكلتج قهرررني مافي احساس قلتله تعال شوف بنتك قالي ماعليه بشوفها والحين مطرشلي مسج يقولي طرشيلي صوره بنتي انا سويتله طاااف اذا يباها ليش ما ايي يشوفها انا كنت ابغي ايلس وياه بس هو مب حاس الحين كلهم اللي ف البيت يقولولي هذا ما يسمع كلامج انتي زقرتيه الحين هو مايا وقبل يوم قلتيله ايبلي عشا من برع قالج مالي بارض خلاص انتي الحين ولا شي استويتي جدامه يعني عادي ف اي وقت بيقولج انتي طالق انتي من الاول ما سمعتي كلامنا انتي الحين استويتي خاتم ف صبع ريلج وانا اصلا ما ابغي اسوي مشاكل ماعرف والله راسي وايد يعورني صح اللي سويته ولا ؟؟؟
ويوم يقولون لج استويتي خاتم اتذكري حديث الرسول
"لو امرت احد ان يسجد لاحد لأمرت الزوجه ان تسجد لزوجها "
كل اساليبج ف حل المشكله احسها غلط في غلط
اسمحيلي بس الخيانات ماتنحل بالمواجهه وبس في طرق ثانيه تكون الحرمه فيها ذكيه وتكسب ريلها وتطلع باقل الخساير
وبعدين مب عيب الحرمة تفتش تيلفونها العيب الريال يطلع تيلفونه في بنات وصور بنات ، انا اقولج اسمعي كلام امج في كل شيء تقولج اياه ، وحاولي تذكرين ريلج بربه ، طرشيلة شرايط اسلامية طرشيله صورة قبر لإن الإنسان مايضمن عمرة
الله يهديلج اياه يارب
سوي يلي بقولج عليه وسمعي كلام اهلج ..
صدقيني احيانا يوم تسكتين وطوفين الريال يتمادى
لكن يوم اتصدينه وتوقفينه عند حده يصطلب .
اول شي :
تيلسين فبيت اهلج ولاتتصلين عليه ولا اتردين ولا اطرشين مسجات موليه..
اذا دق خلي اممج اترد وتقوله مشغوله ولا مب موجوده ..
ثاني شي :
خلج قويه .. مب كل مره اطوفين .. خبري اخووج خبري اهلج خبري اخته خبري اممه عن سوالفه …
وصدقيني بيوقفون وياج …
ثالث شي :
كوني لج راي وكلمه عند ريلج وخليه يحترمج ….
جربي هالشي كوني قويه فويهه