عندي موظوع وابا اخذ شوركم فيه
انا موظفه وعندي بالدوام زميلتي و2 شباب هنود يداومون ويايه كلنا بنفس المكتب المهم ان السالفه واحد من ها الشباب دومه يضحك وينكت وفرفوشي كل وقت احيانايقول كلام ويعلق علينا انا وزميلتي انا بصراحه مرات اتضيق بس مابين له لاني لو قلت له بيقول انتوا ماتتحماون حد يمزح معاكم وانتوا كل جديين المهم اليوم صار موقف وايد مضيق بي واحسني مخنوقه سمعوا وحكموا وخبروني ها تصرفي واحساسي صح ولا انا مبالغه
ها الشاب دومه يقول عن ربيعتي انه الموظفه المثاليه وانها تستاهل شهاده ومن ها الكلام بحكم كونها انها ما ترمس وايد ومندمجه بشغلها .. وانا مرات اشاركهم بالسوالف يعني ومرات اعصب يعني ردات فعلي تبين بالمرة على ويهي اليوم هو وايد زودها تم يقول ويمدح بربيعتي وانها وانها ةانه خاطره يصير نفسها هادي البال وانها ماشاء الله عليها ومن ها المديح بالشغل انا بصراحه تضيقت مش غيره منها حسيت انه يقلل من قيمتي جدام الموظفين الثانيين ويحسسني اني شغلي مو شي بكون انه ماشي بنات غيري انا وياها بالمكتب وحتى واحد من الموظفين تم يطالعني حسيته يشوف ردة فعلي هل انا متضايقه ولا لا المهم انا سكت وما قلت شي وماحبيت ابين له شي لكن نفس ماقلت لكم تعابير ويهي تبين عليه وحتا ولو قلت له يافلان اسلوبك مو عاجبني بيقول انتي وايد حساسه وتغرين من ربيعتج لانه قبل صارت ورمسته بالموظوع قال انتي تغارين عليه وشي بخاطرج ناحيتي …المهم رسل لي على الواتس اب ليش معصبه قلت له عادي مافيني شي قال صحيح باين قلت له مره ثانيه مافيني شي وسكت عنه بصراحه مو عارفه كيف اتصرف هل انا احساسي بالضييق صح ولا مو صح .. هل افتح وياه الموظوع واقول شو مضيقني ولا لا ؟
شورن عليه بصراحه مخنوقه ومش عارفه اتصرف
انك تقعد تقارن بيني وبينها وجدام الزملاء بحيث انك تحسسهم انا ماعندي كفاءه بشغليه او انه ماعندي اسلوب او شي من هذا القبيل ما ارضاه حط مكانك بمكاني وشوف اذا انت بترضى
ومزح عن مزح يفرق واذا هذا مزحك لاتمزح ويايه
بس هو في حدود
اعرف ان في ناس طيبه وتحب تمزح سواء كان رجل ولامراه
ولكن بخصوص المقارنات مب زين!يعني انتي موظفه تاخذين راتب هذي المقارنات لازم يسويها رب العمل
مادام رب العمل راضي خلاص
ولكن هو يصير يتكلم بخصوص مين مثاليه ومين نص نص ماله خص خاصه انه هو يتغشمر ويضحك يعني
مب جاد لو جاد كان نصحك بينك وبينه او كان كلمك بصرامه حتى لو امام الجميع
فاتصور هو ماخذ وجه زياده بس وموضوع المقارنه مزاح مب جد
بس هو يريد يفتح موضوع
وانتي قاعده تتحسسين على الفاضي سوي شغلك
وعيب الرياييل يتكلمون بهذي الصوره مع الحريم
وانتي اختي قللي الكلام حتى لو انتي طيبه كلمي زميلتك
واذا قال انتي محسسه قولي ايوه انا محسسه
مالك خص!
ترى ما تعرفين هو يفكر في شوو
يمكن متعمد يغيضج ..وحاط في باله انج تحبينه ومخبر ربيعه عنج
علشان كذيه يبي يشوف ردة فعلج ….
ويمكن يبي يسوي بينكم عداوة او يبيج تطلبين تحويله عسب تطلعين من الشغل …
صدقيني هو انسان حقير ولو انا منج ما بعطيه ويه ابدااااا…
وبضحك مع زميلتي ولا برمسه …ومو من حقه يكلمني بالواتس دزيله انه لو راسلج بامور غير الشغل بتخبرين عليه المدير..
ترى الريال مريض نفسيل لو شاف حرمه تضحك على نكته قالها بيحسبها ميته بحبه,
ربيعتج وايد ذكيه احكريهم مثلها ولو بتهددينه انج بتخبرين الادارة انه وايد يرمس ..زين بعد ..
بس ابدا لا تجيبين سيرة المقارنات..
يعني لو برمسه في الموظوع برمسه وانا واثقه من انه كلامي صح مو غلط .. لاني كنت متردده بالكلام وياه لاني انا بطبعي حساسه وايد وقلت يمكن ها من زود حساسيتي بس فعلا موظوع ينرفز…
يسلموا خواتي وبخبركم ان شاء الله باليديد