رمضان مبارك عليكن ومحفوف بخير ورحمه
بنات بخبركن بسالفتي يازوجي تهاوشنا أنا وياه من فتره وصارت بينا مشكله كبيره بسبب موضوع كتبته في المنتدا ونسيت لابي مفتوح عالموضوع بدون ما أسجل خروج من المنتدا وطبعآ قرا الموضوع وقرا النك وعصب وجلب الدنيا وقال :
" هذي أسرار البيت وعيب تطلع برع وكل الناس يقرونها "
حاولت أهديه وأبين له إنه الناس مابتعرف إن هذي أنا ماقدرت أقنعه وتم يصارخ ومالقيت نفسي إلا إني رفعت صوتي عليه وقلتله :
" أنا لو لاقيه حد أتكلم معاه وأفضفضله في البيت ويسمعني ماكنت فضفضت فالمنتدا "
ماقتنع – ومن حقه – وما أعرف كيف تطور الموضوع وغلطنا فبعض وأنا غلطت عليه وايد وقلتله كلمه ندمت عليها وتمنيت الأرض تنشق وتبلعني
المهم طلع من البيت وهو معصب وأنا يلست أصيح
لميت ثيابي وولدي ورحت بيت أهلي وشكله رد البيت متأخر ويوم ماحصلنا أتصل فيني وحصل تلفوني مبند بس والله كان مفضي وأنا ماعرف بس يوم فتحته الصبح حصلت الsms misd فوق 10 مرات متصل اتصلت فيه الصبح مايرد عباله إني تعمدت مارد عليه وطافت أيام وأنا في بيت أهلي وماتحملت خاصه إني أنا الغلطانه يوم سمعته ذاك الكلام
بعد كم يوم مالقيت نفسي إلا مسكت المبايل ودعيت دعوه خفيفه واتصلت حق زوجي وأول مره مارد قمت اتريت ربع ساعه وأتصلت ومارد وسويت نفس الحركه إيي فوق 3 مرات قمت قلت فبالي بدال ماتعب عمري وأيلس أتصل ومايرد ليش ماطرشله مسج
مسكت المبايل وطرشتله
" فلان إنت عارف إنه ماكان قصدي والله أحبك أشتقتلك ومحتاجه أسمع صوتك "
ماكملت 10 دقايق إلا هو متصل طبعآ كلمني فالبدايه بجفا بس أنا كان هدفي امتص غضبه وأطري الجو وأرجع علاقتنا مثل قبل وعرفت إنه مادام رد أكيد أثر فيه المسج قمت كلمته بلهفة حبيبه لحبيبها يمكن 10 دقايق أنا أتكلم وهو ساكت بس يرد بكلمه أو كلمتين ، وقلتله ليش تسوي فيه جيه أنا أحبك وصحت ، أول ماسمعني أصيح غير أسلوبه وعاتبني بأسلوب حلو على الأسلوب الي تعاملت فيه معاه بس عقب تم يراضيني واعتذر عشانه غلط عليه
حسيت إني وصلت لهدفي وبدا يرضا عليه وسألني إنتي وين ألحينه قلتله في بيت أمي قال جهزوا عماركم باي آخذكم
طرت من الفرحه وكنت مجهزه عمري وولدي قبل ما أتصل فيه عشان أنا متأكده من حبه لي وأعرف كيف أراضيه بأسلوبي
يا زوجي ورحنا البيت طول الطريج 20 دقيقه وإحنا ساكتين أول مادخلنا البيت وقبل كل شي حظنته قو وقلتله حبيبي أنا آسفه وأوعدك إنك مابتشوف وتسمع مني إلا كل خير وهو مستغرب أول مره أعتذر منه وفرح حسيته تغير حتا أسلوبه تغير
تراضينا خلاص وألحين صرت أحاول بقدر الإمكان إني ما أعصب وأرفع صوتي عليه أصعب شي عالريال إنه حرمه ترفع صوتها واطول لسانها عليه وزوجي إنسان طيب وأنا ما أعتذرت منه إلا لأني متأكده إنه ماكان يقصد أي كلمه قالها لأنها كانت لحظة غضب وإني غلط في حقه ومن حقه يسمع بعد كل هذا كلمة أنا آسفه
ونصيحه إذا كتبتن مشكله أو موضوع لاب تنسن الاب مفتوح بدون ماتسجلن خروج ترا بتنفضحن شراتي " الله لا قال "
المشاركة الأصلية كتبت بواسطة اهات الفراق 
حبيبتي اسمحي لي افهمك
قالت انه زوجها عرف النك الاول خلاااص
وسجلت بنك جديد الحين عشان ما يعرفها
