شحالكن كلن باسمها؟ ..
بغيت اتخبركن عن افضل طريقة لمنع الحمل ..
الحمدلله عندي بنت والحين حامل فالثاني .. وبعدها بنتي ما تمت السنة مسكينه .. واحس نفسي ابا ارتاح شوي .. لمدة سنتين تقريبا .. لين ما ارد طبيعية واحس نفسي اقدر عالحمال مرة ثانية ..
سمعت عن الحبوب .. بس متروعه منهن ..الكل يخوفني منهن ويقوولون يسبب العقم لا سمح الله او مشاكل ثانية وايده ..
سمعت عن الربط بس يقولون مب مضمون..
مشكلتي ان دورتي ماتكون منتظمة .. وتبويضي يا متاخر او متجدم .. فحملي الاول قالوا تبويضج متاخر.. هالحمل قالوا متجدم .. O_o .. فطريقة الحسبة ماظني تنفع وياي ..
بغيت اعرف منكن ..شو احسن طريقة مجربة .. وماتكون الها اضرار وايد .. وبكون شاكره الكن ..
سمحلي عالازعاج .. :1 (30):
وتنظم الدوره بعد =)
والحبوب في اكثر من نوع
وفي الطرق الطبيعية مثل العدة والعازل أو التخلص من السائل المنوي (تعتمد على موافقة الريال:1 (73):
وفي سمعت عن غسول للمهبل
ويمكن في طرق ثانية ما اعرفها
ان شاء الله حد يفيدج
والسموحة
الحبوب.. خلج بعيدة عنها.. زفت والحمدالله.. تأثر على النفسيه.. وتمتن البعض.. وتخرب وادمر.. يعني اعرف ناس اتخدمموها 6 شهور فقط لين الحين من تركوها صارلهم سنه ما يابوا عيال.. يعني حد تأثر فيه وحد لا
اللولب.. انا شخصيا باذن الله بعد ولادتي هذي راح اركبه اذا ناسبني.. لانه الوحيد اللي ما يتدخل في هرمونات الجسم.. كل اللي يسويه انه يمنع التقاء الحيوانات المنوية بالبويضة.. ويمنع التصاقها بجدار الرحم.. يعني لا يأثر على هرمونات ولا يمتن ولا يصيح.. واعرف ناس من اكثر من 11 سنه يستخدمونه وماشاء الله لا شكاوي ولا شي..
العزل.. له اضرار .. انه يسبب احتقان للمرأة.. ويضر الرجل على المدى البعيد.. وسعات ممكن يصير انزال بالغلط.. ويتم الحمل..
العد.. ما ينفع معاج لانج من ذوات الدورة الغير منتظمة..
هاي افضل الحلول اللي عندي
وانصحج.. انتي اتابعين عند دكتورة استشيريها شو احسن شي مناسب لج .. افضل
اشكركن جميع .. ماقصرتن والله ..
يعني اللولب احسن شي..
انا بسأل الدكتورة .. بس احب يكون عندي خياري الخاص قبل وباكجراوند عن كل خيار قبل لا تعرضه علي .. اتعرفن الدكاتره مرات يحبون يتفلسفون .. فحبيت استشير مجربات ..وانتن ماقصرتن
والله يعطيكن العافية ..