بغيت استفسر آخذ رايكم انا من كم شهر استخدم حبوب tretin لعلاج حب الشباب والمعروف ان يجفف الجسم وحتى الشعر بس بغيت استفسر انا حابه اصبغ شعري يعني ماله تأثير الصبغ على الشعر
وماله اضرار جانبيه
اللي تعرف المعلومه الرجاء ما تبخل علي وشكرا لكم
الاحسن تقرين النشره المرفقه بالدوا واكيد فيها كل شي
من الاحسن تستشيرين الدكتوره وهي بتنصحج
المشاركة الأصلية كتبت بواسطة X_nawary_X 
طبعا هو الدوا يختلف من شخص لين آخر ويظل زيارتج لطبيب هي الاصح وتاخذين منه كل المعلومات بس كتجربه شخصيه وفبداية استخدامي لدوا طلع كل حبوب اللي تكون تحت الجلد ووايد كانوا و شوي شوي بدوا يختفون من ويهي واتحسنت واحسه اقل من الروكتين بس يقولون انه نفسه بس شركه ثانيه بس انا اجوفه اقل لانه بنت خالتي جربته الروكتين ووايد لعوزها
وما احس اثر شي سلبيا علي إلا الاشيا العاديه مثل الجفاف فالبشره والشفايف والشعر وطبعا لازم استخدم مرطب للوجه والشفايف وبلسم للشعر
وعن التحليل لازم تسوين تحليل لانه الشخص اذا كان في مرض فالكلى او الكبد او الوحده لي تكون حامل تكون لها اضرار سلبيه وتشوهات للجنين
عشان جي يسون التحليل وافضلج تروحين العياده وتسألين الطبيب وهو لي بيقولج ويفيدج احسن مني ^^
وشكرا على الردور