ساااااعدووووووني في لييييييييسن من العيييييييييين دار الزيييييييييين

مرااااااااااااحب

حبيباتي بليييييييييييييز مساعدة ضرورية

أبي تعاونكم .. يعطيكم العافية

أنا ساكنه في العين .. و أبي أطلع ليسن .. و سمعت إن إللي في العين لازم يتدربون في مدرسة عقب يمتحنون .. غير قوم بوظبي .. عادي يلاقون أحد يدربهم .. هب شرط مدرسة شرات العين.

فــ دخييييييييييييييييلكم تردون علي و تخبروني شو المدارس إللي موجوده في العين و شو أحسنهم و كيف يدربوني و إذا لقوني أوكي بالسواقه .. هل يقدموني عالإمتحان مال المرور وللا هم يبلغون المرور إني إمتحنت عندهم و ناجحه و عقب أمر المرور بس آخذ الليسن من غير ما يمتحنوني لأني أساسا نجحت في المدرسة ؟!!!؟!!!

فهموني دخيلكم .. خاطري آخذ الليسن .. و محتاسه مب عارفه كيف أسوي .. و المدارس قربت .. خاطري آخذ بنتي بالسيارة للمدرسة و لا تكون في الباص.

أشكركم وااااااااااااااااايد على تعاونكم .. ربي يوفقكم و يحميكم يا رب

اللهّم اغننا بحلالك عن حرامك ،

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّـــم آميـــن .

اولا اتسيرين المرور تفتحين ملف وتودين الاوراق المطلوبه بعدين اتسجلين في مدرسه لتعليم السواقه نظري يعني دراسه وامتحان يمكن تاخذ اسبوع ها السالفه ومن تخلصين اتشوفيلج شركه لتعليم السواقه يبتدون يعلمونج الريوس ومن اتخلصين تمتحنين في المرور وبعدين في الشارع وتعاودين الامتحان عندهم يلين تنجحين

لا ياختي اللي اعرفه انه مايحتاج مدرسه تعلمج ولاشي إلا إذا انتي بغيتي
بس فالبدايه اول ماتفتحي ملف الليسن تاخذي عندهم دورة فالنظري اسبوع وعقب تمتحني فيها ويعطونج موعد حق اول امتحان مال الريوس والباركن

وتتفقي مع مدربولا مدربه عشان تدربج عالسواقه وعاللي بتمتحني فيه وتعطيها مبلغ عحسب كم ساعه بتاخذي تدريب فالوقت اللي انتي بتطلبيها تدربج فيه

وبعدين إذا نجحتي فأول إمتحان يعطونج موعد حق الامتحان الاخير الشارع وتدربي مع المدرب على حسب رغبتج فالوقت اللي تتفقي وياها عليه لين موعد الامتحان الثاني وإن شاء الله تنجحي يااااارب ^^

وأي استفسار أنا حاضره

وصح تقريباً المعلومه اللي قلتيها بالعكس

أهل ابوظبي هم اللي لازم يدشون مدرسة للسواقه مب أهل العين^^