ساعدوني . مليت من الدنيا .

شحالكم خواتي عساكم بخير . .؟
الصراحه بدخل فالموضوع . . .

مشكلتي ان وزني 73 هذا اخر مره من شهر تقريبا …….و طولي : 160 . . .

مليت من شكلي و مب مقتنعه انه حلو الكل يجامل يقول جسم حلو والله جذابين والللللللللللللله
فيني بطن بس مب لدرجه كبيره متوسط جسمي يمتن من البطن و فوق . . .

متقعده من كل شي احسني فيني التوحد ما احب اخالط الناس احب ايلس بروحي . . اعصب بسرعه من اي شي …اي احد يفتح موضوع الجسم على طول اشرد و لا اسكت . . .

والله خايفه يوصل وزني 100 ما اريد . . .

ساعدوني بنات الله يخليكم ما عندي اراده ميييييييييح لاني جربت رجيمات ولا فادني بشي ..كل يوم صياح محد حاس فيني بس فالحين يقولون ضعفي و ضعفي و اسمع كم كلمه تجرح و اسكت ابا اضعف و اصدم الكل اخليهم ما يقدرون يقولون شي . . كل اللي فالبيت ضعاف الا انا ؟؟!!!!!! ><"

ابا انزل وزني
ما عندي اراده لاني فشلت اكثر من مره و وزني يزيد وانا خايفه . . .

لا تقول سيري عند فلان و علان بيعطونج رجيم ما احب . . ..

ابا شي ينظف جسمي علشان إذا بديت رجيم ينزل . .

ابا اشارك في قروب فيه حماس و اضعف صدق

ابا رجيم يناسب ظروفي فالبيت و الجامعه ..

ابا البسمه ترجع لي مثل قبل . .. ما تصورون كيف كنت ضعيفه و جسمي حلو بس من المشاكل و الهم خلني اهمل جسمي . . .

ساعدوني بنات والله اكتب و دموعي على خدي ما اعرف شو اسوي ظروفي اقوى مني … تعبت نفسيا و جسديا . . .

بس طولج اطول عني هع

احذفي من وجباااااتج كل شي فيه دهووون

و بدلي الأبيض بالأسمر
حتى الرز ….

تقول سيري عند فلان و علان بيعطونج رجيم ما احب

محد بينظف جسمج عير الأخصائي التغذئيه

صدق لأني جربت اشياء وايد حتى شاي رويال استخدمته

الا صدق على طاري رويال شو رايج تجربيه في ناس جربوووه من الخاطر ضعفو عليه

بس تبين الصراحه هو مسهل …. ** عسب جي بينظف لج جسمج هههههه

جربي شاي و قرفه مع شاي حليب كل يوووم مره بلا نقطاع

شوفي النتيجه نهاية الشهر ….

خففي من الاكل وسوي شوية رياضه وانتي بالف خير …………………………………… موفقه

كل شي يباله مجهود وصبر

انا كنت ممثلج وثابرت ووصلت ب العزيمه والثبر لين 59

شدي حيلج وماعليج من حد امشي المشي بناسق الجسم والركض يحرق السعرات وقللي الدهون

موفقه