اشحالكم خواتي حبيت اكتب هذ الموضوع المفصل عن الكريمات إلي سبق وذكرتها في موضوعي السابق لأن وايد وصلني رسايل خاصة عنهن وعن طريقة الأستخدام ومن وين فحبيت افيد الكل , بخصوص المكان هالأشياء كلها من امريكا ما بتحصلين شي اهنه انا ما خليت مكان وفي اخت تاجرة يزاها الله خير وفرت هالأشياء اعذروني منعوني اكتب اسمها بس إلي تبغي على الخاص بقولكم منو هي وكنت بعد بحط الأسعار بس اضني ممنوع ، الأخت مب مسوية موضوع يعني ما بتحصلون في المول لأن انا قلت لها عن هالأشياء بس بقولها تسوي علشان تعم الفايدة على الكل ربي يفرج حزن كل محرومة يارب
كريم بريسيد
مميزاته :
1- ما يوؤذي الحيوانات المنوية وهذا اهم شي مثل ما اتشوفون في الصورة تقدر الحيوانات المنوية تتحرك وبسهولة الصورة الأولى توضح انج لو استخدمتي اي شي ثاني كيف يمنع الحيوانات المنوية من الحركة والصورة الثانية توضح كيف مع بريسيد تقدر الحيوانت المنوية الحركة بسهولة
2- ما يسبب الحساسية لأن تركيبته تشبه تركيبة الأفرازات الطبيعية (بس إلي تحس بحكة منه معناته ما ناسبها وممكن تستخدم الكريم الثاني لأن جسمها يحسس من شي من المركبات وهذا قليل ما يحصل مثل 1 بالمية)
3- يحتوي على مواد دعم من الخلايا المضادة للأكسدة بما فيها الحيوانات المنوية
4- يساعد النساء اللواتي يعانين من جفاف او ايستخدمن الكلوميد والنشطات بحيث يوفر كمية وفيره من الأفرازات التي تساعد الحيوانات المنوية على السباحة للبويضة
طريقة الأستخدام :
اول شي مثل ما تشوفون في الصورة في مجموعه من الأدوات البلاستيكية تقريبا 9 هي تستخدم لوضع المنتج فيها تحطين الاداء البلاستيكيه على راس الكريم وتحيسينه علشان يثبت عقب تسحبين على فوق مثل الأبرة لين الرقم إلي يناسبج هم ينصحون 1/3 بس انتي شوقي الكمية إلي تناسبج يمكن وايد او اقل بس مافي خوف لو زيدتي تحطينه قبل بربع ساعه وعقب …………. طبعا البلاستيك انتي تعقمينه يعني تصبين عليه ماي حار وتنشفينه زين وتستخدمين بس كل قطعه مرة وحدة ما يستوي تستخدمينها اكثر من مرة واساسا ايام التبويض 3 يعني انتي ماراح تستخدمين كل إلي في الكريم في شهر يعني تقريبا الكريم حق 3 شهور في ناس على طول تحمل وفي ناس تحتاج وقت
الكريم الثاني كونسيف بلس
مميزاته :
قبل ما ابداء ببميزاته حبيت اقولكم عن الفرق بين الصورتين الثاية تحتاجين تشترين اداه خاصه من الصيدلية إلي تستخدمينها حق الغسول الداخلي علشان تحطين الكريم داخل اما الأول اي فيه تقريبا 8 حبات يكون فيها الكريم جاهز طبعا هذا اغلى عن إلي انتي بروحج اتحطينة
1- الصورة الأولى توضح لج الأنوع الثانية من الكريمات كيف ممكن تاثر على الحيوانات المنوية وما تسمح لها بالمرور والصورة الثانية عند استخدام كونسيف بلس عقب دقيقة والصورة الثالثه بعد مرور 10 دقايق كيف الحركة تصير سريعه
2- يحتوي على المغنيسيوم والكالسويم يساعد على تحسين حركة الحيوانات المنوية وقدرتها على تخصيب البويضة
3- لا يضر الحيوانات المنوية او حركتها
4- يشبة الأفرازات الطبيعية للتبويض ويناسب معدل الحموضة
5- يساعد على تخصيب البويضة
6- موصى من قبل الدكاترة
طريقة الأستخدام
نفس طريقة استخدام الكريم الأول يوضع قبل …….. بربع ساعة . النوع الثاني تستخدمين اداه الغسول المهبلي من الصيدلية اما النوع الأول اغلى شوي لنه يكون مجهز في امبولات تفتحين الراس وادخلينها لين النص وتضغطين حتى ينزل الكريم كامل داخل
اشرطة التبويض
طبعا انا ذكرتها لنها ارخص وبعد حساسة لأقل نسبة حالها حال النوع إلي متوفر في الصدليات بس فرق كبير في السعر والعد يعني 25 حبة مب 7 واقل بوايد
هذا شكل الشريط تحطينة في العينة لين الخط الأسود حاله حال تحليل الحمل واذا طلع لج خطين غامجين معناته ان ايام التبويض بس اذا خط فاتح وغامج يعني بعدج مثل الصورة ونسيت اقولكم في تحاليل حمل بعد مثل وارخص بعد بوايد
اخر تحليلين هم الموجبين شوفوا كيف غامجين
وخلصنا اتمنى يكون الشرح وافي وما اتمنى غير دعوة بتيسير امور الحج واذا عندكم اي سوال تفضلوا 
المشاركة الأصلية كتبت بواسطة نبض الشارقة 
تسلمين على الرفع حبيبتي