(جردينة = حديقة) ( يا ريتني= يا ليتني) ( تراني = تشاهدني) (ديما = دائما) (اينقز= يقفز)
::يا ريتني نحول وانت زينه
علي كل وردة شابكين أيدينا
يا ام الميامي حـــــــــــــور
يا ريتني طاير معاك أندور
ومعانا رفيقي وصاحبي( فرفور)
أيقول هُبلا في الجو ويلاقينا
ونلقوا ورود مفتحه وزهور
ونطيرو ولا دبور يوصل فينا
ونشموا روايح فايحه وعطور
وزاد نطربو البستان بأغانينا
ومعاك طول عمري أنكمله مسرور
المولي كريم يحقق أمانينا
يا ريتني نحول وانت زينه
كل يوم نا وإياك في جردينه
في وسط قلبي انحطه
رفيق عمرنا السموح (بو فرفطه)
مزخرف جناحه بفن يعجب خطا
معاه نقعدوا أناجوه ويناجينا
وفرفور اينقز فوق محلا نطا
و جايب هدية فرحنا يهدينا
و قدامنا تسبح صغار البطة
وإحنا فراحا وماسكين أيدينا
ولما شافنا الحمام زاد توطا
نزل من العلالي جاي بيحينا
يا ريتني نحول وانت زينه
كل يوم نا وإياك في جردينه
يا ريـــــــتــــــــنــــــــــي نحول
كل يوم عالزهره معاك أنجول
انعيشو فرحة عمرنا بالطول
وفصل الربيع بطيبتا إيزهيــــنا
ونحطوا رفاقه في أزهار الفول
ومنها نطيروا فوق من يسمينا
لا نفسدوا ولا ناكلوا محصول
نمصوا الرحيق ومصته تكفينا
ونعيشوا عمرنا لا خبر لا قول
لا بشر حاسدنا أيراقب فيــــنا
يا ريتني نحول وانت زينه
كل يوم نا وإياك في جردينه
ياريت لي جــــــــــــــــنــــــحــــــاني
أنطير وين ما عين البشرماتــــراني
مع اللي ديما مالكــــــــــــه وجداني
في الجــــو نسبح شابــــــكين أيدينا
ونعيشوا طرابه لا هموم أنعـــــاني
وكل ما نتمــــــــــنوا ربنا يعــطينا
يا ريتني نحــــــول وانـــت زيــــنه
كل يوم نا وإياك في جرديـــــــــنه
تسلمين فتاة ليبيا
المشاركة الأصلية كتبت بواسطة فتاة ليبيا 
ياريت لي جــــــــــــــــنــــــحــــــاني
أنطير وين ما عين البشرماتــــراني
مع اللي ديما مالكــــــــــــه وجداني
في الجــــو نسبح شابــــــكين أيدينا
ونعيشوا طرابه لا هموم أنعـــــاني
وكل ما نتمــــــــــنوا ربنا يعــطينا
يا ريتني نحــــــول وانـــت زيــــنه
كل يوم نا وإياك في جرديـــــــــنه
حبيت المقطع اللي لسان حال فتاة ليبيا يقول فيه :
يا ريت لي جنحاني
أنطير وين ما تروح ^الدماني^ 
مع اللي ديما مالكه وجداني
في الـ"بنتلي" نسبح شابكين أيدينا
ونعيشوا طرابه وبدون ضرابه
لا هموم حذف مواضيع نعاني
يا ريتني بعلولك وانتي ^الدماني^
كل يوم أنا وياكي يا تحفة زماني
شااعره بحق وحقيقي 
بصراحه حبيت الابيات وابدعتي
ابداع x ابداع
وانتي يادمدم قاعده اشوفج تحلمين اطيرين ! لا وبعد في البنتلي
لا بس بصرااااااحه كلكم فنتووكييييييييييييييييييييييييييييييييين
طبعا لازم دمدم من ادش الموضوع تضيف علييه من بهاراتها عشان جيييه يزيده حلاااوه على حلااوته