شو اخباركم يا سيدات الامارات الحلوات ؟؟؟؟
لو سمحتوا بغيت اخذ رايكم في شي ….
بغيت اعرف لو وحدة منكم مجربة شفط الحليب عن طريق جهاز الشفط … يعني ما ييبس الصدر ؟؟؟؟
وشو الجهاز اللي تنصحوني فيه ؟؟؟؟؟
وشكــــــــــــــــــــــــرا
في انواع وايدة في اليدوي ويمدحونه بس انا كنت استخدم الي بالبطارية وايد اوكي ..
بتحصلينهن في الصيدلية او محلات الاطفال مثل مذر كير
ولا تشفطين الى اذا شفتي صدرج ملياان حليب 
وانا استخدم ماركة افينت اليدويه الصرااحه واايد مرتااحتلهاا وسهله واايد وسريعه ,,
بقول لج عن عمري وانشـالله يفيدج ردي ^_^
انا استخدم جهاز medela اللي بالكهربا مب اليدوي
اخترته لأن وايدين مدحووه هني فالمنتدى ^^
وما أشفط الا يوم أعرف اني بحتاج الحليب لطلعة أو غيره ((مايعيبني الشفط >.< أحس غلط لوول أحلى يوم أرضع ولدي بروحي!!))
وعشان أقدر أشفط أخطط من ليلة قبلها عشان لا أتلعوز >.<
فليل أكثر من شرب الماي وااايد لأني أعرف ان السوائل تزيد الحليب عندي
والمرتين اللي عقب أرضع ولدي من صدر واحد.. والثاني أيمع فيه وأشفطه الفير >.<
<<< أشفط فليل لأن الرضاعة تكون أقل فليل، أما فالنهار فـ ولدي كل ساعتين يحتاج رضاعة وما أحس انه يزيد لدرجة اني أقدر أشفط!!
بالنسبة لكمية الحليب لا ما أعتقد يأثر … والله أعلم!
انا وحده مثل حالتي احتاجله وايد خذت اليدوي قبل لا اربي بس لاني ما ارضع ولدي لانه صغير فلازم اشفط دوم
من جه رديت خذت الكهربائي واليدوي تم مكانه
والنيرسات قالولي اشفطي كل 3 ساعات لانه كثرت الشفط اتزيد الحليب
وينصحوني اني اكثر من السوائل مثل الماي والعصاير والمشروبات الساخنه والشوربات
ريحتوني الله يريحكم ان شاء الله .. وربي يجعله في ميزان حسناتكم يوم القيامة
وبالعكس الشفط واايد زين بس ركزي على التعقيم والنظافة