شنطة المستشفى

أن شاء الله اقدر افيدكم بلستتي

شنطة البيبي:
3 – 5 بدلات / اوفراوول نوعي (على حسب حجم البيبي باتييت ويكون وزنه اقل من 3 كيلو او نيوبورن فوق ال 3 كيلو)
3 – 5 فوانييل داخليه (نفس مقاس اللبس)
2 – 3 قماطات (طقم مع اللبس)
2 – 4 قحافي (طقم مع اللبس)
2 – 4 قفازات (طقم مع اللبس)
* ممكن تحتاجين الجوارب لو كان الاوفراوول مفتوح عند الرييل
2 – 4 فوط صغيره (لوقت الرضاعه)
2 – 4 صدريات (لوقت الرضاعه لا سمح الله لو رجع)
لحاف عن البرد
مدس (حق الطلعة من المستشفى إن شاء الله)
كريم للحفاظ سودوكريم
كم حبة تمر (سح)

شنطة الام:
2 – 4 جلابيات قطن / دانتيل (لها فتحات للرضاعة) مع شيلهن للزيارات
2 – 4 ستيانات للرضاعه (مريحة و قطنية)
أكسسوارات / ذهب (لو حبيتي تلبسين مع الجلابيات)
2 – 4 بجايم للنوم تكون وسيعه و مريحه وسهله للرضاعة
شباصات / توك للشعر
بروش / مشط / سشوار للشعر
جوارب عن البرد (لازم ادفين نفسج)
شبشب (حق دخلتج للحمام عزج الله)
قطن للصدر (عشان لا يسرب الحليب من اللبس)

صابون للاستحمام
فوطة للاستحمام
فرشاة اسنان + معجون
ديودرنت
عطر خفيف (بس لا تكثرين عشان لا يضر البيبي)
كريم مرطب للوجه
كريم للصدر (لتفادي التشققات)
تمر معجون مع الحبة السودا و الحبه الحمرا و الجرفه و السمن العربي (مفيد للنفاس و الحليب)

جارج التيلفون
كاميرا + جارج الكاميرا
عباه اضافيه ليوم الطلعه من المستشفى

ملاحظه:
المستشفى سواء حكومي او خاص ، يقومون بتوفير كل من:
الملابس الداخليه (Underware) عباره عن شاش
فوط صحية شهرية حجم كبير
بامبرز للبيبي
كريم للخياطة
دواء للامساك (مسهل عشان يريحج ولا تتعبين من الامساك)
مسكات للخياطة

وأكيد في شركات تمر على كل مريضه و يعطونها من مستحضراتهم مثل:
ديتول ، سيباميد ، موستيلا ، جونسون ، وتختلف المنتجات بين المستشفيات