شو احسن طريقة لمنع الحمل ؟؟؟ للمجربات

السلام عليكم

اشحالكم عزيزاتي ان شالله بخير

حبايبي حبيت اسألكم عن شو احسن طريقة لمنع الحمل؟؟؟

لاني توني الحمدلله والده من اسبوع وابا طريقة زينه وما تضر فيه ولا في ولدي وانا وريلي متفقين الحمل الثاني يكون بعد الولد ما يكبر يعني بعد سنتين او 3 سنوات بس تعرفون مرات الحمل ايي بالغلط وانا ما با هالشي :gum:

انا سمعت عن حبوب منع الحمل واللولب وحتى سمعت عن الابرة اللي تضرب في الوزند لمنع الحمل

وانا حبيت اخذ منكم الخبرة واللي مجربه شو احسن شي ؟؟؟

لاتنسوني دخيلكم

الله يحفظكم :shy:

انا بصراحة استخدم حبوب وبعد الولادة يستحسن استخدا م الحبوب لمدة والولب بعد كم شهر لانة الرحم بعدة

أنا أستخدم الحبوب من حوالي سنه في أول شهر تعبت بس بعدين عادي جداً و حسب ما قالت لي دكتورتي إنه أحسن وسيله الحبوب.

اختي اذا مايتج العاده الشهريه لاتستخدمين شي لانج مابتحملين

وانا انصحج انج ترضعين لان الرضاعه ماتخلي العاده تييج

انا صارلي سنه وشهر للحين ارضع بنتي والحمد لله مايتني العاده

وما استخدم شي…

انا عنى استخدامت لولب وما ضرنى بشى ركبت لولب بعد 6 شهور من الولاده

مشكورين ع الردود الحلوة

بس اللولب انواع شو احسن شي؟؟؟؟

وعن الحبوب ما تسبب اي ضرر لاني سمعت انها تمتن وتضر الرضاعة؟

حبيبتي انا مركبه لواب وهم اختي بس مب اي وحده يوالمها لانا نحن من ركبنا اللولب بصراحه كل يوم والثاني نشتكي من الافرازات البنيه وغير هذا انه تييج الام تشبه الام الدوره ويوم سرنا حق الدكتوره عطتنا حبوب اعشاب قالت الافرازات سببها انكن ترضعن وانا موقفه الرضاعه عن بنتي بس الافرازات ما وقفت حتى ريلي متضايق والدوره تييج غزيره يعني ما انصحج بها لاني بسير بشلها هاليومين
والابره امي قالت اذا ما والمتج تنزفين طول ثلاث شهور لين ما تخوز مفعولها يعني انتي وحضج
الحبوب صح انها لها مضار بس فيحبوب تتاخذ مع الرضاعه عشان ما تضر الياهل الله يخليلج اياه روحي الصيدليه وقوليلهم ابا حبوب منع الحمل اللي مال الرضاعه لين مايكبر البيبي واستخدمي القوي وانصحج بBelara سمعت انه ما يمتن ويحافظ على جمالج وهو يديد والسموحه منج