بنات بغيت اعرف شو اشل فشنطة المستشفى يوم بربي من اغراض لي وللبيبي خبروني
حق البيبي حطي كمن لبسة فنايل ودلاغات وقماطات والاغراض للتنظيف مع انه المستشفى عندهم بس انا افضل لو انتي تاخذين يكون افضل …
في شنطتج حطي ثيابج اللي بتلبسينهم حق المستشفى والله يعزج ملابس داخلية وافضل قطن ولا تنسين الصدريات للرضاعه وفرشاة اسنانج ومعجون وشامبو ومشط وصابون وحجال وقلوس خفيف وحطيلج عباه غير اللي بتروين فيها عشان يوم تطلعين تلبسينها عند ريلج …
لا تنسين اتدخنين ثيابج وتعطرينهم من قبل عشان الريحه تثبت وما تكون قويه …
خذي شيل صلاة مناسبة مع الجلابيات اذا يوج عمومتج او خوالج او حد يعني … وطقم الولادة ااذا مسوية …
واذا عندج اي سؤال انا حاضرة
الله يسهل عليج وعلى كل وحده يا رب ويرزق كل محروووومة
لج يكون فيها:
1- ملابس داخليه وكثري من الاندر وير ويفضل تاخذين الي ينلبس وينعق بتحصلينه في موذر كير وحطي وياهن الاولويز عشان ما تنسينه في كيسه وحده .. لصدرج: حطي قطن عشان الحليب ما يخيسج وحطي فوطه صغيره بتستخدمينه للكمادات الدافيه لانه صدرج بيعورج شوي من الاحتقان والحليب – لا تحطين اي مرهم لصدرج لانه ما ينفع وايد ..وخذي ستيانات للرضاعه تكون واسعه ومريحه .. عني انا ما قد لبست ستيان وانا في المستشفى لانه ما طقت شي على صدري مووووووووووووول
2- ملابس للنوم: بجايم مريحه عدد 3-4 قطن وتكون صدرها واسع او بفتحه عشان الرضاعه ولا تحطين شي ربشه لانج بترقدين فراحتج اهم ..حطي معاهم دلاغات وروب يدفي اذا بردتي الفليل لانه جو المستشفيات يكون باااااااارد بالليل ونعال مريح للحمام او يوم بتمشين في الغرفه او الممر ..
3- ملابس للزيارات العائليه: حطي جلابيتين ويا شيلهن اذا حد زارج وعلى راحتج شو بتلبسين بس لا تكثرين ..
4- للحمام: اغراض النظافه الشخصيه والسبوح: شامبو – صابون جسم ويد ومعجون وفرشاه وكريمات لجسمج وويهج وملح اذا بتسوين غطاسات دافيه .. استشوار ومشط ومكياج خفيف.. فوطه لشعرج وجسمج
5-فراش مريح وكفر للمخده ..
للبيبي:
– ملابس عدد 5 ويفضل تحطينهن كل لبسه تطوينها مع قماطها وفانيلتها ..يكون اسهل لج..
– بامبرز وبودر وكريم للحفاظ
– شامبو وصابون جسم سائل اذا انتي بتسبحينه بس الاغلب هم يسبحونه لج .. فوط للتنشيف .. وقطن وطاسه صغيره للماي اذا بتغسلينه من تحت بعد تغيير الحفاظ..زيت للجسم ..مقراض اظاااااااااافر بتحتاجينه لانه اضافرهم تكون طويله
– فراش دافي بس مب ثقيل لمنز البيبي وماله داعي تاخذينله مخده لانه مب زين لين يكمل ستة شهور ..
-قران صغير او مسجل وشريط قران حلو للبيبي ولج ..
– مدس للبيبي يوم بتطلعون بالسلامه من المستشفى
– ودي اوراق ثبوتيه: صورة جوازج انتي وريلج وعقد القران والخلاصه عشان تسوون شهادة الميلاد فنفس اليوم وتفتكون.
-ودي وياج اي شي يسليج اذا ضقتي " كتاب او لاب توب اي شي تحبينه ..مانكير مثلا خخخخخخخ
-جراجه للتلفون ضروووووووووري
-وخرده فلوس اذا بغيتي تشترين شي من مطعم او غيره..
-وسلااااااااااااااااااااااامتج هالي اذكره وسامحيني اذا نسيت شي ..