شو اهم الاشيا والضروريه حق امريكا

الله يوفقج ويوفق ريلج ويردكم بالسلامه

وان شاء الله بتحصلين اللي تبينه من البنات وما بيقصرون معاج باي سؤال

أنا الصيف اللي طاف قعدت في هيوستن 5 شهور
بالنسبه للتسوق هناك .. عندهم محلات وايد تصلح للهدايا و اسعارها حلوه مثل
TJ Maxx, Ross, Marshalls وغيرها
سياسه هالمحلات تبيع شغلات ماركات بنص السعر أو اقل وكلها تكون يديده بس خلص موسمها
هناك جاليات مسلمه كثيره فأكيد بتلاقين محلات تبيع لحوم مذبوحه ع الطريقه الإسلاميه ويستوردون أكل حلال
Walmart
مثل كارفور عندنا وأحلى وفيه كل اللي يخطر على بالج
فأنصحج تتبضعين منه دوم إذا كان قريبكم فالولايه اللي بتسيرون لها
بالنسبه للتليفون عندهم خدمات البطاقه المدفوعه
وبطاقات تشترينها اون لاين للمكالمات الدوليه للدول العربيه أوفر
بس أوفرلكم استخدموا النت وتواصلوا مع الاهل بالماسنجر أو سكايبي إذا في مجال
كل شي يعتمد على الولايه اللي بتقيمون فيها و المده اللي راح تقضونها
بس لا تحاتين مافي شي ماراح تلقينه عندهم
وإذا محتاجه أي شي تراني فالخدمه
موفقين وإن شاءالله تردون بالسلامه

وكل شي متوفر هناااااااااك طبعا من أكل وغيره

بس نصيحتي لج .. شلي ادوات الخياطة لإن الخياط نادر هنااك

وثاني شي اشتري ثيابج وثياب عيالج من هنيه لإن ثيااابهم هناااك مب لي هنااااك واحتمال تكووون غاليه اذا ما كان شي SALE

ونصيحه ثانيه…عن التيلفون… تقدرين تشترين بطاقة من عندهم وتركبينها ف تيلفونج وعقب ادخلين فيها رصيد..او انج تشترين بطاقة مدفوعه وتتكلمين من تيلفون البيت او مثل ما قالت اختي انج تتواصلين عن الطريق النت اوفر لج بواااااايد بس لاااازم تشلين اويااج لاابتوب ومايك… واحتمال يكون عندكم انترنت مكان السكن…والتشغيل عن طريق الواير لس

وعندج STOP & SHOP

سوبرماركت روووعه كل شي فيييه وحتى WALMART نفس الشي

يمكن شي 100 فرع فكل ولااايه…

واذا تشربون الحليب والقهوه الصبح…شلي ويااج الدلااال من هنيه لإن يمكن ما تحصلين هناك…ولااازم تشلينهم ف الشنطه اللي بتكون فايدج ف الطياره

وتقدرون تشلون عندكم رطب او تمر من هنيه بكميه مناسبه لإن رمضان قريب…ويكون الشل بالإيد طبعا وهناك الرطب يتخزن ف الفريزر

وبعدين اسعار التوليد يعتمد على المستشفى والمنطقه ويمكن اتمين بس يومين او 3 ف المستشفى وما بطولين وااايد…بس المشكله اذا احتجتي عمليه…وان شاااء الله ما تحتاجين

بس عندي لج نصيحه

اول ما توصلون قدموا اوراقكم للسفارة عن الولادة وجي…واتوقع بيتحملون تكاليف كل شي وما بتدفعين من جيبج ولا فلس هذا اذا كنتي مرااافقه اعتقد

وجاان تبين اسم الريال اللي لااازم تكلمونه راسليني ع الخاص وبعطيج اسمه وما بيقصر اوياااكم ان شااء الله

اختج قطوه دلوووعه