شو رايكم في مدرسة الشويفات فرع ام القيوين

السلام عليكم

الموضوع مبين من عنوانه …الي ادرس عيالها في مدرسة الشويفات في ام القيوين تخبرنا كيف نظامهم وساعات الدوام وهل نظامهم ودراستهم على مستوا عالي ..وشو المواد الي يدرسونها بالنسبة KG1 وهل مهتمين بالعربي والدين ولا لا…وبالنسبة لموقع المدرسة وين بالظبط لاني ماعرف مكانها

ادري اسالتي وااايد بس محتارة وين اسجل ولدي وللاسف هي المدرسة الوحيده الي يمدحونها في ام القيوين فياريت الي تعرف تخبرنا

محد من عيالى يدرس فيها

بس اعرف ناس يدرسون عيالهم فيها

المهم بالنسبة :

الاكل

عندهم بريك حق الفطور الصبح

وبريك الساعة 12 حق الغداء

والاكل من عندكم

الانجليزي وايد اوكى الحين واصلين لقراءة الكلمات القصيرة

العربي والدين ما عرف

مكانها

ما عرف اوصف عدل مجابل على ما عاتقد اذا ما خانتنى الذاكره عياده الاسنان لدكتورة ستارة

المواصلات عليكم

مشكورة اختي ام ميرة على الرد بس شو المواد الي يدرسونها بالنسبة KG1 وهل مهتمين بالعربي والدين ولا لا

اختى العربي والدين ما عرف

بس يعلمونهم رياضيات الاعداد

وكل الحروووف الانجليزية واسامى اشياء من كل الحرووووووووف

واحسن شي يكتبون كل شي في المدرسة

ويا ريت الاخوات يفيدونج بالنسبة للدين والعربي

بس اختى عادي سيري المدرسة وشوفي المناهج عادي ترا

بس اختى ما تعرفين حد درس بام القوري

ولا سمعت عن المدرسة اليديده الى في السلمة

لا والله ما اعرف عن مدرسة القرى او المدارس الثانية لاني اول مره ادور مدرسة حق ولدي

بالنسبة للشويفات الصراحه رحت المدرسة بس من ناحية المكان والمبنى ما عيبني شي شكلها جديمة وما تستاهل المبلغ المطلوب بس قلت على الاقل من ناحية الدراسه اذا على مستوا عالي ولا لا مقارنه بفروعها في باقي الامارات

سلام عليكم
اعيالي يدرسون بالشويفات لكن فرع الشارقة, حبيت افيدج بالنسبة للمناهج لكن الموقع ان شاءالله بنات ام القوين يفيدونج يارب.

طبعا المدرسه السنه الدراسيه مقسمه لي 3 فصول, و من الفصل الثاني يبدون بقراءة كلمات بسيطه و يبدون يعطونهم قصص مرتين بالاسبوع, و لازم لازم تقرين مع الولد او البنت كل يوم علشان ما يتعبج بالقراءة. هذا بالانجليزي طبعا.
عندهم رياضيات الأرقام و الأشكال الهندسيه و الألوان بالانجليزي
عندهم الحروف اللانجليزيه و الكلمات اللي تبدي بكل حرف.
عندهم كتاب للكلمات, يعني الصوره و تحتها اسم الشي, و فيه تدريبات الكتاب هذا, توصيل المتشابهات و الفرق.
عندهم عربي طبعا و فيه ياخذون الحروف كلها و الألوان و الأشكال و الأرقام.
و الدين يعلمونهم الأساسيات, و يعطونهم قصار السور. و يعطونهم القصص البسيطة من القرآن.
الدين ماله كتاب لكن ولدي يسولف عن اللي ياخذونه. و مرات لما كنت اروح آخذه من المدرسه اشوف السبوره عليها شغلات متعلقه بالدين.

ما اذكر بعد شنو المهم اي استفسار انا بالخدمه

مشكورة اختي طيبة الكويتية على الرد بس بغيت حد مجرب الفرع الي في ام القيوين يمكن يكون نظامهم مختلف او في اي مشكله بالمدرسة