انا شفت طريقة لشوى الفراخ واستغربت منها وقلت اجربها بس عشان كنت مش متأكدة
من النتيجة مصورتش الخطواط بس حقولكو عليه وصورت النهاية بس
قولولى اية رايكم
جبت فرخة وتبلتها (طمطماية وبصلة وتوم فلفل وبهارات وصويا صوص وفرمتهم ف الكبة وتبلت
بيهم الفرخة تحت الجلد وجواها
وسبتها بالتلاجة من الليل للصبح
الطريقة بقة انك تجيبى اى زجاجة عندك مكان المشروبات الى بنشرها اغسليها وامليها ماية ودخليها جوة الفرخة بحيث تكون الفرخة اكنها واقفة وحطيها ف صنية الفرن
وحطة نص كوب ماء ولو حابة تحطى تحتها اى خضار حياخد من طعم التتبيلة والسوائل الى نازلة من الفرخة واسيبكم مع الصور للتوضيح
ودى صورة الزجاجة بعد ماطلعت منها الفرخة عشان تتخيلو هى كانت ازاى
واهى الفرخة ف الطبق بجد ريحة وطعم مشوى بجد
ودة جوز حمام محشى فريك اخر دفعة كانت وصلة من مصر جوزى استولة علية وسابلى انا والعيال الفرخة
ودى صورة جماعية للغدا وهوعبارة عن لوبيا (محدش يقولى اية اللوبيا دى نوع من البقوليات وهى جافة زى الفاصوليا البيضا بس فيها نقطة سودا) والحمام والفرخة والرزحبة وحبة
اية رايكم مستنيا اعرف عجبكم ولة لا
وبطاعتك عن معصيتك ، وبفضلك عمن سواك ،
اللهّم لا تكلنا إلى أنفسنا طرفة عين ،
اللهّـــم آميـــن
موفقه يارب . .
