شوفوا هالتصرف

مرحبا بنات . . مافكرت مرة أحط مشكلتي من بينكم بس يالله خلني أحط و أفضفض شوي يمكن أرتاح
شو رايكم بهذا التصرف ، ربيعتيه معرسة وأنا معاها من أيام الدراسه بس ما أشوفها تعرفني إلا لما
تكون عندها مشكله تحب تقول مشاكلها لي بس من ما تكون عندها مشكلة ما تعرفني ولا أشوف منها
أتصال صح يقولون الصديق و قت الضيق بس هذا ما يدل إنها بس لما تكون في ضيق تعرفني
ولما تكون مستانسه ما تعرفني و لا تشاركني فرحها بس تشاركني مشاكلها بيني و بينكم تعبت من
المشاكل إللي تصير بين الأزواج حالياً أنا شبه معقدة صح مب كل أصابع اليد متساويه بس صدقوني
وصلت لدرجة أشوف كل الريايل نفس الشي هم مب نفس الشي بس فيهم نقاط سلبية مشتركة
ما أعرف شو أقول صرت أخاف من المستقبل أحسه مستقبل مجهول أخاف من العرس و كل ما
يتشرف خطيب ما تعرفون كيف هي حالتي تكون أتعب نفسياُ أحس إني شفت صح ما شفت بس سمعت
لكن كأني شفت من الدنيا وايد فكيف إن أنا جربت الحياة الزوجية . .

حتى صرت ما أحب أتأفلم مع المعرسات تعبت من مشاكلهم ما عرف شافوني مستشارة أسريه ولا محامية >< صح إني أفرح لما شخص يقولي تعاااالي عندي المشكله الفلانيه بس بعد ماتوصل لهذا الحد الفضييييع !

لدرجة تخيلوا كان عندنا عزا ووحدة متصله أعرفها تبي تشكي ما رديت عليها أنا في عزاا أعتذرت لها بمسج عقب اليوم الثاني رمستني و تقولي مشاكلها مع زوجها لهذه الدرجة ماشي تقدير و أحترام لمشاعري روحي كنت في ضيق و حزن بسبة العزا

احس عمري سخيفة لما كتبت الموضوع لكن يمكن أحصل ردود تفرحني
لأني صدق صايرة نفس الكاس إللي نمليه ماي ولا نفكر نشرب مايه . . هذا الكاس أحسه قلبي
يملونه مشاكل بس محد يفكر في يوم يسمع مشاكلي أخبيها في قلبي أحسن ولا أتعب الخلق معاي

دعواتكم

حبيبتي انا كنت شراتج واكثر اراعي الناس والناس ما تراعيني

ويوم عرست نفس الشي كله شاله هم الناس واستوى ريلي كله يهزبني على هالشي يقولي انا مزوج اخصائيه اجتماعيه
وكانت اغلب ضرابتنا على مشاكل الناس لاني ما اروم اتخلى عن حد

بس بالاخير حسيت عمري انا اللي اتعب والناس ولا هامنها فقلت خل اسمع كلام ريلي اسكر كل هالابواب واريح عمري

والصراحه ارتحت الحينه ويا نفسي وويا ريلي لان الناس ما تيي من وراهم غير المشاكل وعوار القلب
فانا اقول فكي عمرج من المشاكل وعيشي حياتج طبيعيه والله يرزقج بالزوج الصالح ان شا الله

فديتج والله ولا تفكرين في رياييل فيهم الخير ترى وفي اهل ريل فيهم الخير بعد
بس البعض الله يبتليه والحمد لله على كل حال ترى جيه ولا جيه الحمد لله عايشين بخير الله

المهم فديتج ولا عليج عالاقل في حد يتصلبج من ايام المدرسه من المتزوجات تخيلي انا صح اني متزوجه ربيعاتي كانو يكلموني قبل بس من تزوجو طارو ولا وحده حتى رنه ماشي الا وحده فديتها مع اني ماكنت وايد وياها ايام المدرسه مجرد سلام الحينه شرات اختي

طاف فديتج يمكن هالحرمه ترتاح لج غير عن باقي ربيعاتها يمكن تعتبرج اختها غير عن الباجيين
ماتدرين بعد

لا تضايجين ولا تتعقدين اذا شكت لج مره ثانيه قولي لها كل يوم اسمعي سورة البقره واقري سوره الفتح عالاقل سبع مرات باليوم وبينشرح صدرها انتي بعد بترتاحين

يحلييييييييلج..
ترا انتي عودتيهم يشكوون لج وما عودتيهم انتي بعد تشكين لهم..
خلاص خبريهم بطريقة غير مباشرة..تعذريلهم..
ما الومج الواحد من كثر ما يسمع يتعقد بس..
حبيبتي لا تتعقدين ولا شي..
مثل ما انتي تسمعين مشاكل ربيعاتج وهم ما يسمعوون لج..
ترا في رياييل ما في منهم ورياييل اعوذ بالله منهم..

احس كلامي مخربط بس ياليت خفف عنج لو شوووي..

لا اله الا الله 00حبيبتي اعذريهن بكل بسااطه

لان فيه نااس ترتاااحين لهم وتأمنين لهم وتحبين تفضفضين لهم ويسمعون لج بكل صدر رحب

وانتي من هالنوع الطيب ^_^

عزيزتي فكري بأيجاابيه واعتبريهاا نعمه تزيد من تجااربج للمستقبل وللحيااه الزوجيه ان شااء الله

والله يأجرج حبوبة وتكونين قد الثقه الي تلاااقينهاا من صديقااتج ^^

موفقه عنوووني

أحس إني ما أقدر أصد حد مهما كان حتى ألاحظ إي وحدة تعرس تصير علاقتها معاي أقوى رغم أيام
الدراسه كنا مجرد سلام وإللي يجمعنا الكلاس بس بحاول إني ما أهتم بس ما أقدر أحاول إني ما أسمع

شكراً لج و ربي يسعدج و يوفقج