شي رهيب والله عن تجربة () اللي تعاني من الحبوب .

السلام عليكم و رحمة الله و بركااااااته

اخواتي .. كلنا نعرف ان اللي يدس عن الخلق اي علم يعرفه يمكن يفيدهم شي مكرووه
ولازم اذا عرفنا شي يمكن يفيدكم اعرضه عليكم .. والله الشاهد على كلامي اني
ما ابغي غير منفعتكم و مصلحتكم ..
و اللي ابغيه دعاء منكم والله محتاجتنه وايد وايد

ان الله يساعدني على فقدان الشهية * شهيتي مفتوحه * و استوي رشيقة
و اكون احلى وحدة في عيون حبيبي ريلي .. و ان الله يزيل عني كل الهموم
و يفتح لي رزق و يزيده .. و يعطيني الصحه و العافية .. و يجعلني من طال اجلا و احسن عملا ..
و انا عااااارفه ان الحبوب معاناه ما يحس فيها الا اللي فيه حبوب ..

و انا قصدي حبوب الشباب و حبوب بعد شيل شعر الوجه …

الشي بسييييييط .. و اياااااكم و الزيوت على بشرة فيها حبوب .. اي زيت يقولج انه زين و بيزيل الحبوب صدقوني ما ينفع عن عدة تجااااااارب ..

لازم الشي يكوووون جاااااااااف …

و ادري ان الحبة تعور قبل ما تطلع و نحن نلعب فيها و يتكون لها راس ابيض ..

انا عارفه ان كل من يعاني من الحبوب في ريه يفقد الثقة بالنفس ..

لكن مع السر البسيييييط بتنتهي المشكله بإذن الله ..

السرررر هوووووو ( شي واحد و شي بسيط و موجود في كل مكان)

الفاصوليا البيضاء

حتى فالدكان متوفره

الطريقة :

تاخذين الفاصوليا و تطحنينه لين ما يصير مثل البودرة ..

و تحطينه في علبة محكمة الاغلاق ..علشان ما يت*** بالجراثيم ..

مثل هذي تقريبا ..

و تحطينه في مكان بعيد عن الشمس
.. مثلا فالكبت

…

و كل ليلة تحطينه البودرة على المكان اللي فيه حبوب ..

بشرررررط ما تلعبين فالحبوب ..

و تحاولين مب كله من نفس الصبع .. يعني لكل حبة صبع تغمسينه فالبودرة ..
ان شاء الله فهمتوا عليه …

لان مب زين تحطين البودرة على الحبة و تردين تغمسين نفس الصبع فالبودرة بعد علشان ما تنتقل جراثيم الحبة ..

و شرطططططط الالتزاااااااام .. و تحطينه كل ليله و في اي وقت بعد تكونين فاضيه فيه ..

و بتلاحطين جفااااااااااف الحبوب و تقشرها .. بعد 3 ايام تقريبا .. و مع الاستمرار

بتزول الحبوب ..و اذا رجعت سوي نفس الطريقة ..

و هذي نصاااااائح :

1- اياااااااج و الصابوووون

مهما كان حتى لو كان مضاد للحبوب (الصابون بطبيعته تلصق فيه الجراثيم ).. *استخدمي غسول (خالي من العطور)

2- الزيوووووت .. مهما كان الزيت .. لاتدهنين اي زيت على البشرة المصابة بالحبوب ..

لان البشرة المصابة بالحبوب محتاجه للجفاف ..

3- حاولي تغيرين شويه نظام اكلج .. و تكثرين من شرب الماي ..

4- مره فالاسبوع .. اذا عندج اي قناع طيني بكون مفيد لانه اييبس الحبوب ..

5- عليكم بالشاااااااااي الاخضر (((( و شووووووفو الصحه و العجب ))))))))

و بشروني بالنتايج الطبية .. بعد اسبوع من هذا العلاج البسيط الطبيعي ..

و ان شاء الله تكون بشرتكم صاااافية و حلوة .. ( علما ان الفاصوليا يساعد على الشد بعد )

ولا تنسوووووووووووووون تدعون لي .. لاني والله تعبت و انا اسوي الموضوع …

اعطيييييكم الصلاحية و حتى بدون ذكر المصدر اهم شي الفايده تعم

اللي تبغي تنسخه تنسخه

و اللي تبغي تنقله تنقله لمنتديات اخرى ( الدال على الخير كفاعله )

و اللي تبغي تحفظه عندها تحفظه ..

اهم شي كلنا ننشر شي مفيد …

مشكرررررروه الغلا

تسلمين حبوبه على هالمعلوومه
جزاج الله خير

مشكورين عالردود واي استفسار انا جاهزه

فديتج تسلمييييييييييييييين ولا هنتي

مشكوووورة يالغالية
الله يزاج خيرها
وتحققين اللي تتمنيها آاااااامين

ماشاءالله عليك موضوع راااائع ..تراني نسخته وحفظته عندي بالجهاز ( لا تخافين ماراح احطه بمنتدى ثاني واذا حطيته باقول انك صاحبة الموضوع) خخخخخخ