صدمني الدكتور وقالي ورم خلف الأذن 00 ساعدوني وهاي قصتي00

مرحبا أخواتي
قصتي مع الورم من فتره طويلة تقريبا من 8سنوات حسيت بحبه صغيرة ورا أذني وكانت كل ماأحس باحتقان خفيف في حنجرتي تعورني الحبة وراجعت ثلاث عيادات خاصة والمستشفى الايراني قالو هاي غدة ملتهبة عندج بسبب الاحتقان اللي دايما عندج 00 والغريبة ان كل الدكاترة كانوا يقولون نفس الكلام 00 ومرت الأيام وكبرت شوي وراجعت نفس الدكاترة وقالولي هاي ما بتروح تكبر عادي اذا تبين عملية بنسوي ماتبين مافي مشكلة فيها 00 طبعا ما بغيت العملية لأنها على كلامهم مب ضرورية 000 ومرت السنين وتزوجت ويبت بنتي ألاولى وحسيت أن الحبة كبرت لدرجة ماأقدر أنام عليها أستوت قد الليمونة وخفت وقلت خلني أراجع مستشفى حكومي وأشوفه وكانت صدمتي الكبيرة بعد الأشعة المقطعية قالي الدكتور ورم في الغدة اللي خلف الأذن ونصحني الدكتور بعدم اجراء العملية داخل الدولة لأن العملية وايد صعبة ومحتاجة اختصاصي أعصاب لأن من أخطار العملية شلل في الوجة بسبب مرور عصب الوجه فيها وسافرت الهند على طول وقال الدكتور هناك لازم عملية وفي احتمال بعد العملية يصير شلل في الوجه خفت ورجعت 00 وأن الحينه وايد خايفه من اجراء العملية في أي مكان بس لازم أسويها وبتوكل على رب العالمين
الحين أنتظر التقرير يظهر عشان أسافر خارج الدولة بس مب عارفة أي بلاد زينة حق هاي الأشياء؟؟؟
ساعدوني

الله يعافيج ويشافيج يا رب

الله يشفيج انا بنت عمي سارت المانيا
الدكاترة في دبي قالولها ورم بس يوم سارت المانيا قالوها عندها التهاب بس ما اعرف
هي بعد الورم ورى اذنها
بس انتي بعد اسالي زيادة الله يشفيج حبيبتي

الغالية المانيا وااااااااااااايد يمدحونها صلي استخارة احسن
و الله يعافيج ويشفيج يا رب

مشكوررة حبتبتي الله يطمن قلبج

مشكورة الغالية ويعافي الجميع

الله يشفيج إن شاء الله .. وما تشوفين شر ..

حـ الإمارات ـلا ..