صرت مااتقبله سبتهم حسبي الله ونعم الوكيل

اذا انتي مقتنعه فيه ماعليج من كلام الناس والريال مب ف شكله الريال ف اخلاقه
واحسن شي انج اطنشين

الله يهديهم

يعني إذا خذتي واااااااااااااااااحد حلووووووووووووو وااااااااااااااااايد اكيد بتشوفين احلى عنهم وجذه ما تمزرين عينج؟؟

لازم القناعة وبعدين مب بالشكل اهم شي يحج ع العين والراس وينحط على الحرج يبرى ؟؟

عيل اعرف وحده حلوة وضعيفة وفيها طول لكن ريلها ولا يخصه بس شووووووووووووووو طيب والناس تتكلم عنه بالخير طيب وشغول وغيره

اذا هو عايبنج ما عليج منهم اهم شي انج مرتاحه وراضه حبيبتي لا تسمعين منهم الرمسه يمكن غيرانين منج

الله المستعان

ترا مــن عــاب ابــتلى ..

..و قوليلهم ترا هذا اللي هب عايــبنكم شكله خالقنه ربي و ربج و الله ما يرضى بهالشي..

لا حول ولا قوة الا بالله العلي العظيم ..
والله هالناس ما يخلون حد في حاله ابد .. خاصة اللي مرتاحين ويا بعض .. أختي ترى الناس حسد وغيرة في قلوبهم ولا تهتمين لكلامهم ..

حسبي الله ونعم الوكيل ..

أختي ابليس يوم يكون هو وعياله وبني جنسه مع بعض يقولهم شو سويتوا اليوم .. وكل واحد يذكر اللي سوااه لين ما يوصل واحد عنده يقول فرقت بين الريال وحرمته .. يقوله بما معناه انت أحسن شي وقرب مني .. يعني بالمختصر المفيد
هذا اللي قاعدين يسوونه أهلج واللي تعرفينهم يمكن بدون قصد ..

أختي قري قرآن وااايد وقري الاذكار .. وأتذكري ان الواحد مب بشكله بقلبه وروحه الطيبة ..
أي واحد جميل ممكن يصير فيه حادث ويتشوه يعني الجمال مب دايم لكن النفس الحلوة دايمة سبحان الله ..
وادعي ربج وااايد وحاولي دايماً تتذكرين محاسنه والاشياء الحلوة اللي يقولها أو يسويها عشان ربي يحليه في عينج ..

وأدعي ان الله يحليه في عينج دووم وما تسمعين لكلام الناس وتتأثرين فيه وانج تغظين من بصرج ..
وبعدين شوفي انتي بروحج النماذج اللي تكون في ريال حلو ووسيم جداً والمشاكل اللي تصير بينه وبين حرمته عشان ما تحطين في بالج انج تبين واحد حلو ..
وربي يصلح البال ويحسن الامور بينكم ان شاااء الله ..