في وحدة شافت في الفيس بوك وحدة حاط اعلان انها محتاجة فلوس فاتصلت فيها واتفقت معاها انها راح اتزورها بس ما حددت يوم…
والبنت خبرت اخوها عشان يوديها ويرافقها للبيت واتفقت معاه على يوم…
ومن عوايد البنت ما تحب تطل الا بعد ما تصلي العشاء..
فلما يا اليوم الي راح يروحون فيه جلس اخوها في البيت من العصر لين العشاء ، فالبنت صلة العشاء ولما خلصت قررت اتصلي الاستخارة عشان الله يسهل عليها في الكلام مع الفقيرة لانها مب متعودة على هالمواقف….
ولما خلصت واظن بعدها ما قامت من السجادة سمعت صوت اخوها يمشي طالع من البيت فزعلت لانه نساها…
ولما رجع قاللها ان ربيع طاح مريض في المستشفى فعشان جيه طلع بسرعة وما وداها…
ولما كان اخوها مع ربيعه في المستشفى خبر ربيعه عن سالفة الفقيرة فحذره ربيعه من ان يصدق هالناس لان سمع ان لما حد يروحلهم عشان يتصدق يجمعون كل ربعهم من جنسيتهم ويتوحدون عليه….
فسبحان الله لما صلت طاح ربيعه في المستشفى وهو الي نبه من الموضوع وكانوا على ثوان ويطلعون لهم…
فبعدين البنت شكرت ربها وسجدة شكر
شفتوا شكثر صلاة الاستخارة مهمة وابعد من المفهوم الي نحن نتصوره…سبحان الله
ما يندرا شو كان بيصيرلها اذا سارت….وعلى الله فاليتوكل المؤمنون
ونعم بالله….يا رب قد ما بنشكرك ما نوفيك حق
ومن يومها البنت اتصلي استخارة على كل شيء مترددة فيه…بلييز لا تصدقون اي حد….واستعينوا بالله دائما…
(وعلى فكرة موضوع صلاة الاستخارة مب معناة لازم تحلمين عشان تعرفين شو تختارين، هو الموضوع اختاري شيء وبعدين صلي واسعي في الي اخترتي فاذا واجهتج عائق كملي لكن اذا استمرت العوائق معناته هدي الشيء، وصلاة الاستخارة مب لازم اتكون بين موضوعين بل اتصلينه بعد عشان الله يسهلج الشيء الي تسوينه….واسالوا المفتيين اذا ما تصدقون )
ولا يجوز صلاة
الاستخارة بعد صلاة الفجر بل بعد شروق الشمس ولا تجوز بعد صلاة العصر
ان اخطات فنبهوني يا اخواتي المسلمات…الله يهدينا ويرضى عنا اجمعين …
انا صليت عشان كنت محتاره بأي تخصص ادش وبعد لما انخطبت
يزاج الله خير اختي