وحبيت اشاركن ان شاء الله يعجبكم
.
.
طرنا من مطار دبي بتاريخ30-6-2017 لبانكوك وبعدين لجزيرة فوكيت اللي صراحة استانست وايد ومافيها وااايد عرب وهي صور من الطيارة
https://alfrasha.maktoob.com/up/1949266931354873610.jpg
حجزت من مكتب في المطار عطتني اسعار حلوة وصراحة الرحلة وايد حلوة
صورة صاحبة المكتب امانة للي بتروح تخبرها انها قرت عنها في الانترنت لاني قلت لها بخلي صورتج وشوفوا كيف استانست
حجزنارحلة سفاري 9 في 1 يعني نسوي 9 اشياء ومغامراتفي نفس اليوم
وهذي صور من الطريق الى الفندق سكنا فيه فندق باتونج بيتش
وهذي صورة صحن الترحيب في الفندق واول ما توصل يستقبلونك بهاك العصيييير البارد
وصور الغرفة
صور من بلكونة الغرفة
1
اول الصبح تكونون جاهزين يمرجيب عليكم وياخذكم اول شي لركوب الفيلة صراحة وايد روعة يمشيك في الغابة ولا والمدرب ماله يغني ومستانس
2
وبعدين يراوونكم عرض قصير للقردة هم سبالين واحد تتصورون وياه وتسوون سبايديه التحية مالهم والثاني يتسلق شجرة جوز الهند وبعض الاستعراضات الاطفال واايد استانسوا على السبلان
3
وياخذونك اتشوفين حيات المزارع وكيف يزرع الارز في السابق
4
وبعدين يراونكم طريقه عمل سلطة البابايا في تايلد وتذوقونها صراحة لذيذة
5
وبعدين تركبون في عربة اتجرها الثيران وتاخذون لفتين شوفوا حمودي في العربة كاشخ قولوا ما شاء الله عليه
6
وبعدين اللي استانس حمودي عليه هي التاي بوكسينك المصارعة التايلندية ماخلى حد في تايلند ما قاله انه عطاهم بوكسات وااا فديته شوفوا وهو بعد ما بكسهم وفي بداية العرض يقومون بالتحمية واداء بعض الحركات على المسيقة التايلندية ((جلبت فصحى شكلي)
7
وكل هذي الاشياء السبعة في نفس المكان
8
ياخذونك بالجيب المكشوف لغابة المطاط يروونك الشجرة ويشرحون كيف يستخلصون المطاط وهذي المرشدة وهي تشرح
9
رحنا للنهر عشان نركب مركب خشبي وياخذونك لنص النهر ويعطونك مركب ومجداف ويتركونكم ترجعون بروحكم والله حاله تعبت وانا اجدف مسافة بعيدة كانت وهاي بعض اللقطات
وخلاص يكون حيلك انهد ياخذونك على مطعم للاكلات البحرية على البحر صراحة الشوبة البحرية تجنن وبعد مااتخلص ايبولك الفواكة كل على كيفك …..ورجعنا للفندق بباص مكيف والصراحة زين سوو عشان كنا خلاص هلكانين لا وبعدين في الدرب مررونا على مصنع المجوهرات دقيقتين وطلعنا وهذا ما كان من ضمن الرحلة وبعد مصنع الكاجو وانا تعبانة ابي اسير الفندق ووصلنا …. وهذا اليوم الاول وياربي تعجبكم الصور واعذروني و,,,,,,شجعوني عشان اكمل اليوم الثانيو/////////////////لاخر السفرة
وتسلمين على هالصورر