خواتي الي امحتنن الآيلس أبا اسال عن السبيكينج Speaking كيف بيكووون وشو ممكن تكون المواضيع الي بنتكلم عنهاا ،،، لني مرات اخربط وارتبك مع اني اوكيه في الانجلش ،،، ياريت تعطووونا فكره عنهااا امتحاني الاسبوع الياي لاتبخلن عليه والرايتينح يكون فيه Taples & Graphs ولا يكون راتينج عادي؟؟؟؟؟؟؟؟؟
الspeakingواااااااااايد سهل يعني اول شي بيسالج عن نفسج وشو دراستج وتخصصج وبعدين بيعطيج ورقه تتكلمين لمدت دقيقتين بس قبلها اتسجلين النوت في الورقه اذا تبين اترتبين الافكار الي بتتكلمين عنها بس لاتخافين المواضيع اتكون سهله
الاول .. ترمسين مده دقيقتين اظني
يعني يسالونج واتجاوبين
والثاني ..يعطونج موضوع وانتي تناقشينه ..
والرايتنج ..
فيه 2 توبيكس
الاول رايتنج…
والثاني .. لاين جرافس ( اللي شرات الاعمده او المخطط البياني )
او انه اييج ع شكل الكوره المقسمه بيانيا ..
هالللي اذكره ..
..
كتبي فجوجل ايلس وبيظهرلج المواقع ..
وااايد اوكيه هالمواقع ..انا امتحنت سبيكنج ويا نفس اللي فالمواقع تقريبا يعني مغيرين سؤال او سالين بس ,^^
)))وايد اماكن يبيعون كتب عن الامتحان وكيف طريقة الامتحان وأسهل شي الاسبيكنق ،، اهم شي
لا ترتبكين وخلج واثقه من نفسج ،، وبخصوص الراتينق بعد القرااف هو أسهل شي ،
وبالتوفيق ان شاء الله ^^
وايد متردده فيه .. لان ماعندي اي فكرة شلون راح يكون امتحاناته
والله يعينج ويعينا اجمعييييين
بس ماشي فرق من بينهم غير الرايتنق
الرايتنق في الجنرال ( رساله و مقال )
و
الرايتنق في الاكادميك ( قرافس او مخطط بياني غيره )
ومن ناحية السبيكينق ايزي ايزي ايزي .. Dont care about it ..
اول شي اسئله عن نفسج ودراستج ووو اشياء جدا سهله .. بس لا تجاوبين يس ونو جاوبي
I would like
I’d really like
I heat
استخدمي هالكلمات وفي وايد ماذكرهن ,,<< من نجحت خلاص ودرتتهن خخخ
في البدايه بتتبكين بس عقب عادي
ولا تتحركين وايد خخخ ولا تلعبين باصابعج ووووالخ ؛؛ حركات بنات
ووخلج واثقة من رمستج
المواضيع اليي يطرحونها جدا سهله .. انا قالي ليش يسون اعلانات عند محلات معروفه
رفيجيتي سالوها ليش اليهال يحبون يسبحون في البحر خخخخ
اسئله جدا خفيفه
وربي يسهل عليج ويوفقج ويحقق اللي بخاطرج
وبشرينا