طريق أبوظبي مكة المدينة؟؟

إن شاء الله طالعة العمرة بعد أسبوعين بالبر لكن محتارة في طريق السفر هذه أول مرة بالبر لمكة ويا الأولاد والعيلة يلي تعرف تفاصيل الطريق من الحدود حتى مكة لا تبخل علي
قولون في طريقين حرض وخرج أو الهفوف و خوفوني من طريق حرض معاي سيارة بي إم دبليو شو رايكم؟

إن شاء الله البنات يفيدونج الغالية

الله يسهل عليكم و يتقبل طاعتكم..

الصراحة ما سرت بالبر بس اللي آسمع ان الـطريق موب هين عندج حد يتناوب عنج بالسواقة؟؟
لان متعب الدرب الله يكون في العون

انا جربت طريج الهفوف بس يقولون طريج حرض مختصر واقصر بس لازم ترتبين للطريج عدل يعني وقت الطلعه

بخصوص الطريق الاول من الحدود الامارات الى الرياض تقريبا 500 كيلو عن طريق حرض الخرج والطريق زين بس يريدله أنتباه ويفضل المرواح فيه نهارا، والطريق الثاني الهفوف من الحدود الى الهفوف تقريبا 200 كيلو ومنها الى الرياض في طريقين خريص والطريق الرياض الدمام السريع حوالى 315 كليو بس طريق الاول من جنوب الرياض والثاني من شرقي الرياض، الطريق الافضل طريق حرض لان قريبا على الامارت، والطريق من الرياض الى مكه المكرمه حوالي 800 كيلو والطريق ثلاثي وسريع وعليه محطات كثيرة ومطاعم واستراحات, وأي أستفسار حاضرين تره الاجر أكبر من الروحه من الطياره لان في مشقه واجر طلب العبادة.
هذي المعلومات كلها من زوجي

يا سلام على السفر بالبر روووووووووووووووووووعه

اما عن الطريج ما اذكر بالضبط كله سوالف ولا ندري وين نحن وصلناخخخخخ

كان خاطري اسير بالبر هالسنه بس ربي ما كتب لي وبسير بالطياره

خذولكم اكلات خفيفه للدرب ولليهال واذا كنتوا اكثر من سياره بعد بيكون احسن

الله يكون بعونج انا جربت السفر بالبر مع عيالي وايد متعب الصراحه