نظرا للرسايل الهائلة اللي وصلتني ع الخاص بخصوص طريقة الروبيان بالكاري والروبيان بالقشطة
وبسبب إنشغاااالي الشديد هاليومين
قررت أحط الطريقتين لعيوووونكم
ومابي منكم غير دعوة حلوة لي ولريلي وكتاكيتي بالصحة العافية وأن الله يبعد عنا حسد الحاسدين
وهذا رابط الموضوع الاصلي
https://forum.uaewomen.net/showthread.php?t=947472
وهذي الطريقة يا حلواااات
الروبيان بالكاري :
المقادير :
– روبيان حجم كبير ( الكمية اللي اتحسين أنها بتكفيكم ) ،، أنا سويت حق شخصين وتقريبا سويت 16 حبة كبيرة نوعا ما
– فلفل رومي أخضر ( حبه صغيرة وإنقطعها مربعات صغيره ،، تعطي نكهة حلوة )
– فلفل رومي ملون ( أحمر وأصفر وبرتقالي ) تعطي شكل حلووو وطعم لذيذ ،، حبة صغيرة من كل نوع
– بصلة كبيرة مفرومة قطع صغيره
– فص ثوم مبشور ( ممكن نستغني عنه ،، بس تعطي نكهة للطبخة )
– زنجبيل مبشوووور ( مهم جدا وتعطي نكهة واااااو )
– ربطة صغيرة كزبرة طازجة مفرووومة فرم
– زبدة ( علشان انسيح فيها البصل والثوم ،، أحلى عن الزيت لأنه يعطي نكهة حلوة )
-3 ملاعق طعام معجون طماطم ،، نخلطه مع نصف كوب ماي
– 5 ملاعق طعام بودرة حليب جوز الهند بتحصلينة في الجمعية في قسم البهارات
– فلفل أسود ( ملعقة صغيره )
– ملح ( ملعقة صغيرة )
– فلفل أحمر ( ملعقة صغيرة وممكن تستغنين عنه لووو مب حابة يكون الأكل حار وايد )
– بهار الكاري ( ملعقتين طعام )
– عصير 3 ليمونات
الطريقة :
نغسل الروبيان عدل وإنحطه في عصير 3 ليمونات مع رشة ملح وشوي فلفل أسود وانخليه يتبل لمدة نص ساعة عشن اتروح ريحة الروبيان ،، وعقب إنيب قدر وانحط فيه الزبدة ولما اتسيح الزبدة انحط البصل لين ما يصير لونه ذهبي وعقب انضيف الثووم وبعدينإنحط الفلفل الرومي الأخضر والملون ولما انشوف ان الفلفل صار لين انحط الروبيان ونرش فوقه ملعقة صغيرة ملح وملعقة فلفل أسود مع3 ملاعق البهارات ( الكاري ) ورشة فلفل أحمر ،، وانحط الكزبره عليه والزنجبيل وإنحرك عددددل وعقب إنغطي القدر لمدة 10 دقايق ونتركه على نار هااااااادية وعقب إنضيف كوب من حليب جوز الهند ( عبارة عن نصف كوب اي مع 5 ملاعق بودرة حليب جوز الهند ) ونتركة لمدة 15 دقيقة على نار هااااادية وعقب إنحط عليه معجون الطماطم ( 3 ملاعق طعام معجون مع نصف كوب ماي ) ونتركه على نار هادية لمدة 10 دقايق تقريبا ووووو بـــــــــــــــــــس ( صحتين وعافية ) وناكلها مع مشخخخووووووووول
الروبيان بالقشطة والفطر
المقادير :
روبيان كبير ( حسب الكمية اللي تبينها )
علبة فطر العلالي حبات كاملة
علبة قشطة ( قيمر )
ملح ( ملعقة صغيره )
فلفل أسود ( ملعقة صغيره )
كوب حليب جوز الهند ( 5 ملاعق حليب جوز الهند مع نصف كوب ماي )
بصل ( حبة ومقطعة شرايح طولية )
زبدة
بهارات الروبيان بالزبدة او ممكن تستخدمين بهارات دجاج بالزبدة ( موجودة في قسم البهارات في الجمعية )
الطريقة
ييبي قدر وحطي فيه زبدة وسيحي البصل لين يصير لونه ذهبي وعقب حطي عليه الروبيان والفطر وحطه عليه فلفل أسود وملح وبهارات وتركيه مغطى على نار هادية لمدة 15 دقيقة وعقب حطي حليب جوز الهند وحركيه وخليه على نار هادية لمدة 10 دقايق او لين ما تشوفين أن الروبيان صار ناضج ولين وعقب ما إتسكرين النار وتتأكدين من أن الروبيان انطبخ وصار جاهز للأكل ضيفي عليه علبة قشطة وحركي تحريك خفيف وقدميه وهو حاار ( مع ملاحظة أن القشطة إتضيفينها بعد ما اتسكرين النار)
وصحتين وعاااااااااااااااااااااااااااااااافية
ان شاء الله اجربها جريب 