وهذي طريقة عمل الكيكه
اول شي يكون عندج خليط ابيض تسوينه عادي تحطين شرات ماهو مكتوب ورا العلبه
يعني انا حطيت بيضتين وكوب ماي وثلث زيت والخليط نفسه ومزجتهم مع بعض وقسمت الخليط ل 5 اجزاء ولونت كل جزء بلون فألوان الكريمه
والي ماتعرفها هذي صورتها حصلتها فالنت سوري نسيت اصوره لكم ^^
الحين انا حطيت كل لون فمله برووحهااا واخترت هالالوان واضاايجت ماكان عندي اللون الاحمر وعاد شغلي مايطلع الا نص الليل 
بنات وحريم بخبركم شي ترى موكل الكميه نفس شي … يعني الكاكاو اكثر من الاخضر والاصفر وفي بعد ابيض بس نسيتهاا آخر شي ماصورتها بس بتشوفونها فالكيكه
الحين جهزت الصينيه الي بسوي فيها ومسحتها زيت واول طبقه حطيتها الكاكاو
وثاني طبقة اللون الاصفر
وثالث طبقة اللون الأزرق
وهني شكلها بعد ماحطيت اللون الازرق
وهني اللون الأخضر
وهذا آخر لون الأبيض
وحطيها بالفرن لين ماتستوي أول اشغل النار عليها من تحت ويووم اشوفها انتفخت أشغل فوووق وشوي وابندها واخليها تبرد وازينها بالكريمه او اي شي على ذوووقج
انا كنت اسويها الساعه 3 الفجر امس فماسويت لها كريمه زينتها بالهيرشي خخخخ
وهذا شكلها النهائي ^^
وبالعافيه عليكم 
تسلم الأيادي
ونتريا ابداعاتج
بس مب آخر الليل ^^ خخخخخ
انا من متــابعاتـج فالـحلويــات
يعطيـج العافية حبيبتي
و نتريــا الـيديد. . .
المشاركة الأصلية كتبت بواسطة eljoory 
الله يسلمج فديتج ^^
المشاركة الأصلية كتبت بواسطة موزة الغفلي ربي يسلمج
المشاركة الأصلية كتبت بواسطة بنــuaeــت تسلم الأيادي
ونتريا ابداعاتج
بس مب آخر الليل ^^ خخخخخ
ههههههههه عاد هالابدااع مايظهر الا نص الليل يوم الكل رقود
تخيلي اشتغل برووحي واذووق بروحي واتلذذ برووحي خخخ
المشاركة الأصلية كتبت بواسطة أم نظارات انا من متــابعاتـج فالـحلويــات
يعطيـج العافية حبيبتي
و نتريــا الـيديد. . .
اسعدني وجودج الغااليه
وان شاااء الله اشووف تطبيقاتج للسويتاات ^^