طريقه مضمونه لحفظ القران الكريم

السلام عليكم ورحمه الله وبركاته

لو سمتحن خواتي ابا طريقه مضموووووونه ومجربه لحفظ القران >> بالتجووييد !

محد تقولي سيري مرااكز … سرت وايد وماشي فايده لا تجويد ولا غيره

يزاكن الله خير عندي هالمشكلتين .. اتكاسل "والعياذ بالله" عن الحفظ مرات والمشكله الثانيه اني احفظ بدون تجويد يعني اعرف "بعض الاحكام" بس ما اطبقها ! يعني لو وحده تعرف كتاب ولا شي ممكن يساعدني ؟ او طريقه هي مجربتنها وفادتها في حفظ القران؟

افيييدوووني بارك الله فيكم

غريبه

كيف المراكز ما فادنّج ؟؟

الظاهر أن مشكلتي مثل مشكلتج .. قلة الهمّه

أنا بإذن الله بسير مركز أبركلي .. القرآن ما ينحفظ صح إلا من شيخ/ـة

راجعي نفسج و ردي للمركز و خلي همتج عاليه .. أنا بحاول في نفسي لأني بلا همه

بس بجبر نفسي أني أحافظ ع الحفظ و التسميع في المركز

لأني كسوووله

ماعرف اذا كانت مشكلتي انه ماعندي همه !! او لا

بس فعلا انا محتاجه اجبر عمري شوي وربي يكتب لي حفظ كتابه (يارب)

شكرا الغاليه على مروورج > وربي يسهل عليج حفظ القران

واحب اشكر (ام رواني) على رسالتها الخاصه وفي ميزان حسناتها ان شاء الله

اختى لازم تعرضين تلاوتج على معلمه مجازه شو يعني مجازه يعني حافظه هي القران مع التجوويد بنفسج فالبيت ماتقدرين تحفظين القران والمعلمه بتصحح لج الاخطاااء غلطان لي يقول المراكز مافيها تجويد بالعكس المعلمه المجازه تيود لج على كل حررررف وعلى كل حرررركه وسطرر

اذا ماحصلتي تجويد في مركز لي انتي فيه معناته العيب فالمركز او المعلمه اول شياسالي عن المعلمات وتاكدي انها مجازه اذا هي مجازه دخلي معااها واذا المركز مايهتم بالتجوويد غيريه وابحثي عن مركز اخرر فوق في لسته محطين كل المراااكز فالدوووله حسب الاماره لي انتي فيهاااا

لي يساعدج على تجويد:
1) اول شي الاستعاانه بالله…استعيني بالله انه يفتح عليج وانه ايسرر حفظ القران من غير الاستعانه ماتقدرين
2) المركز جدااا يساااعد اقل شي بتحصلين رفقه صاااالحه يشجعونج وتزيد همتج وتتنافسين اذا جفتي غيرج حافظ انتي مثلا ماحفظتي فتتشجعين تحفظين تخيلي تجوفين ياااهل فالمركز حافظه او عيوووز كبيرره تحسين انج مقصررره ف سبحان الله تتشجعين وتحفظين

3) حاولي قد ماتقدرين تبتعدين عن ذنووب ومعاصي مثلا الاغااني والقران لايجتمعون في قلب واحد مستحيييل
4) في قران اسمه (المصحف المجود) وداخله الوان يدليج على تجووويد في مكتبات الاسلاميه ها المصحف اذا ماعرفتيه خبريني
5) بالنسبه لكتب التجويد الافضل تتعلمين تطبيق العملي من المعلمه بدل الكتب….اذا على كتب في كتاب جداا رائع اسمه (الهدي المجيد في احكام التجويد) يبيعونه ب 30 درهم مدري 40درهم

6) قولي للوالده تدعي لج دعائها مستجااااب

ترى كلنا نضعف ونفتر وانا نفسسسج اسال الله تعااااالى ان يعيننا
في قران

ربي يوفقكم حبايبي

والله وبدون مجامله قبل ما اكتب هالموضوع بحثت في النت عن طريقه بس كل ما اقرا طريقه اتعايز اني اتبعها …. بس فعلا مشااركتج يــــــت في وقتها بحاول اتبع الي قلتيه اختي الغاليه

بس المصحف المجوود > ماعرفته؟ بس بسال عنه ان شاء الله في المكتبه الاسلاميه وان شاء الله اول ما ابدأ واستمر بإذن الله ..بدخل وبقولج ^_*

صدق صدق ماعرف شو اقول الحين غير دعوى صادقه من قلبي والله (الله يرضى عليج ويحقق الي في بالج في هالشهر الفضيل)

بارك الله فيج

ويوفقج ان شاء الله

ربي يعينج ويعينا على حفظ القرااااااااان