بنات انا صارلي مربية بالظبط 26 يوم و هذا اول ياهل المهم انا اظطريت اعطي بنتي
صناعي مع الرضاعة الطبيعية لان حليبي ما يكفيها مع اني ما خليت شي ما خذته
حليب و البان و حلبه و طحينية بس سبحان الله مافيني غير شي بسيط يعني يوم
ارضعها اتنش عقب 20 دقيقة بالكثير ….
المهم اني من اول اسبوع عطيتها سيميلاك لين الحين و اعطيها 60 ملل مع انهم كاتبين
انه الشهر الاول 120 ملل بس ما حبيت اكثر … و كانت تنام عقب كل رضعه 3 او 4 ساعات
من يومين الاحظ عليها اتنش قبل لا تكمل 3 ساعات يعني ساعتين و نص تبا ترضع
احس عمري تعععععبت ما الحق اسوي شي ….
مادري خواتي هل المفروض ازيدلها الكمية؟ و الا شو تنصحوني؟
انتظر ردووودكم لاني تعبت نفسيا …
انا كلمت دكتور الاطفال بشأن هالموضوع
لان بنتي كانت نفس بنتج
الدكتور قالي ، لا تتقيدين بالارقام اللي مكتوبه على عليه الحليب
تختلف الشهيه من طفل للثاني
مثلا بنتي الحين عمرها سنه للحين تشرب 120 ما تحب اكثر
وقالي الدكتور عادي
فانتي زيدي لها الحليب دام ان تبى اكثر
كل الامهات في الاربعين يكونون جذي
لان الياهل في الاربعين متعب ومزعج جدا جدا
فعليج بالصبر ،، بعد الاربعين شوي بيهدا الياهل
الله يكون في عونج
وتمر الايام على خير
حاسه فيج حبي
كنت مثلج
و تخلص الرضعه تبدأ اسوي حركات انها تبا زياده من امس زدت لها الرضعه و خليتها ۹۰ تخلي منها شي بسيييط و رقادها رد نفس قبل تقريبا
انا بعد اول الايام بنوتتي كانت ترقد ٤-٥ ساعات
بس عقب قامت تنش كل ساعتين
عادي هذا ياهل لازم يرضع كل ساعتين وتحملي
الاموومة صعبة
والله يعينج