ليش مايسجلون عيال المقيمين فالدوله فالروضة شو السبب وشو الي يمنع هي الا روضة؟؟؟
بصراحة احسه حرام جذيه
الياهل ولد عمه وولد خاله المواطنين يداومون فالروضة وهو يصيح يبا يسير وياهم
ليش مايدششونهم وليش مجلس بوظبي حاط انه ممنوع
شو الروضة هي الا ارقام وحروف وكمن سور قرآنية
ولكم الاجر بعد
ليش التمييز بين اليهال؟؟؟
حتى لو برسوم دششوهم
الناس مستعده تدفع رسوم بس دششوهم
ياليت الكل يطالب
هاذيلا الا يهال مب زين تخلون فخواطرهم
اتمنى الرفع والرفع لين حد يقرأ وينظرون في الموضوع
والاولاد فالثانوي امبونهم من اول يسوون عسكرية ويميزون بين العيال
والسنة هاذي سوو عسكرية بعد لثانوية البنات وميزو بينهم
وحتى العيال صف سادس سولهم جيجيستو وميزو بينهم
ليش عاد وشو السبب؟؟
لافرق بين عربي واعجمي الا بالتقوى والعمل الصالح
ياليت مجلس بوظبي يراجع حساباته ويغير هالتميز
اما ف رياض الاطفال انا معاج لان الهدف منه تعليم الطفل
هذا راي وتقبلي مروري
اما ف رياض الاطفال انا معاج لان الهدف منه تعليم الطفل
هذا راي وتقبلي مروري
المشاركة الأصلية كتبت بواسطة يشرفني اخونكـ 
اما ف رياض الاطفال انا معاج لان الهدف منه تعليم الطفل
هذا راي وتقبلي مروري
مشكورة على الرد والصراحة
بس الي يسكن فالدولة اكيد يتريا الجنسية ويوم من الايام بيصير مواطن حاله حالهم
فليش اميز بينهم؟؟؟
دامهم فيهم الخير ويبون يتعلمون ليش اكسر مجاديفم؟؟؟يوم من الايام بيكون فرد فهذا المجتمع
اما الحين صار في تفرق بين الناس
وع فكره مثل ماقلتي اليهال مايفهون ويحطون في خاطرهم
بس شو تقولين الله مستعان
احط صوتي معاكم