عطوني حل >_+

السلام عليكم ورحمه الله وبركاته

بصراحه ما اعرف كيف ابدا
انا مالجه من 4 اشهر تقريبا و للحين ماشفت ريلي ولا حتى سمعت صوته ><
ما اعرف عنه شي غير اسمه وكلام من اخواني

حتى في حفله ملجتنا ما تم حد ما قاله تعال شوف حرمتك ولا دخل
ما ادري شو السبب بصراحه
بس انا تعبت ونفسيتي تعبت

وما اعرف اشتكي لمن
وكلهم حاسين فيني ويقولون لي يستحي ومدري شو

انا مب طماعه مابي شي لكن على الاقل اشوفه او يسأل عني
والله يا بنات حتى مصروفي يتلاقى ويا اخوي ويعطيه اياه يوصله لي

عطوني حل تعبت من هالحال
فكرت اقول لخواته لكن للاسف ماقدرت لانهن معرسات وما اقدر اخذ واعطي وياهن
يعني بعاد عني

إن شاء الله البنات يفيدونج

اممم مآدري شقولج

بس انا استغرب 4 شهور ولا كلمج

عاد مب جي مستحى .. لازم شوي تتعارفون ع بعض. .عشان اول ليلة جي مايكون فيه ارتباك ومستحى

انتو فعايلتكم البنت ماتكلم ريلها فترة الملجه؟

مادري اخذي رقمه وطرشي له مسج من حقج حبيبتي ها ريلج الحين

اب اب لعيونج

عادي في عايلتنا البنت تكلم ريلها
لكن ما اعرف شو السبب مبتعد عني هالكثر

طرشيله مسج اعزميه على عشا ولا غدى و يلسي وياه وجوفي اللي بخاطره و يمكن الريال صدق يستحي في وايد رياييل وايد يستحون .

الله يفرج همج يارب