بنات انا من زمان دوم يمدحون لبسي وموديلاتي ودوم بنات عيلتنا اسويلهم موديلات فقلت بستغل هالموهبه وبجيب خياطه تساعدني. الي بسويه بمشروعي ان الموديل الواحد يكون له قطع محدوده وبحط لوغو مميز علفستان الموديلات بتكون كانها فساتين جاهزه شوو رايكم حبايبي وشو الي تبوني اوفره لكم بهالمشروع وياليت تدعموني وتعطوني افكار
انا خذيت دورة في صندوق خليفة لدعم المشاريع والخبيرة عطتني راي ومشوره حلوة….. وما ببخل عليج فيها….. تقدرين اتظهريلج رخصه مبدعه من غرفة التجارة وبعدين يكون لج براند محفوظة الحقوق…. وتتعاقدين مع محلات الفساتين واتبيعيلهم القطع مالتج…. مثلا شوفي في لايف ستايل الخاص في سنتر بوينت عندهم ماركات مختلفه…. هاي كلها يشترونها من ناس وتجار ويبيعونها بربح لهم…. تقدرين اتسيرين المولات واتشوفين المحلات اللي تبيع نفس استايل تصاميمج وتتكلمين مع مدير المبيعات عندهم ولما تكون عندج الرخصة اتكونين محل ثقة ….. وبجي إنتي بترتاحين من الزباين وصدعتهم…. أرجوا إني أفدتج…. تقدرين بعد يكون لج طابع مميز مثلا تصاميمج كلها ساترة وفيها أكمام لأن هاي التصاميم نادرة ووايدات يدورن عليها….. ملينا من العاري والقصير…. وربي يوفقج إن شاءالله….. وحلو إنج تاخذين دورات شرات الدورة اللي تنطرح في صندوق خليفه بتعرفين أشياء وأفكار أكثر عن السوق ومتطلباته…. 
لا تنسين غناتي الانستقرام اللحين خلق الله هابين مشترى منه يعني صوري لبسج ع البنوتات مع تصوير فنان وبيعي والله بتمشي امورج ولبس الصغار مطلوب وحلو يوم يكون عندج براند خاص فيج ووايد شراتج توكلي والله يوفقج وان شاء الله نكون من زباينج
يزاج الله خير ماما سلطان افكار وايد حلوه وفعلا انا ناويه ما اسوي اي شي يغضب رب العالمين ان شاءالله لبسي ساتر بيكون الله يوفقج يالغاليه الله يسعدج حرم الحميري ويرزقج من حيث لا تحتسبين يااااارب ❤️❤️
ماما سلطان
حصلت جواب لسؤالي
مره اختي شرت فستان عمل يد من الأسواق الشعبيه بتركيا
وبعد فتره حصلنا الفستان نفسه اخوووه طبق الأصل بسنتربوينت بس القهر كان ارخص خخخخخخ
فكرة ممتازة
الله يوفقك اختي
الله يوفقك اختي
إعتمدي عا الدعاية بشكل كبير ونوعي في القماش وألوانه وإذا تقدرين تركزين حتى على الصغار وستايلاتهم وخلي عندج علاقات اجتماعية حق يسوون لج دعاية مجانية😁
موفقة يارب