……….
1- الاخوات ينقلون كلام للأم و مهما كانت زينه لازم بتكون في درحة من الغيرة اللي تسبب المشاكل.
2- الناس يقارنون حريم الاخوان فيج في كل مناسبة و في كل حركة ..فهل شي ما يعيبني بعد.
اكون زينه و لطيفة بس ما اتقرب وايد
شوفي الواحد مابياخذ من هذه الدنيا غير الذكرى الطيبه … والمفروض نتعامل مع الناس بالزين والاحترام
بغض النظر عن من يكونون هم قراب منج او لا .. خوات الريل تراهن شرات خواتج …
ااذا انتي فرضتي عليهن اسلوبج الطيب والزين مابتلقين غير الطيبه في المقابل …
مابقولج تقربي منهن من عدمه لان المعامله اللي بينكن هي اللي بتفرض هاالشي
شوفي انابقولج عن حريم اخواني اول هن شرات خواتي وكم وحده اكثر من خوات وربي …
ماقولج ماصادفتنا مشاكل صادفتنا من زمان بس امايه كانت دوم تقول ماعليه كونن الاحسن والكلمه الطيبه ماتضيع
عند رب العالمين بهاالطريقه وربي بتكسبينهن … يعني اخت الريل نفس الشي بعد اذا ساكنه وياها اما اذا بروحج
السالفه بتكون اسهل مب معقوله مثلا بتخربين علاقتج مع وحده ماتلتقين بها غير في نهاية الاسبوع مثلا ..
تراها عمة عيالج .. يعني مقامها عالي … واخت ريلج اول شي اذا تحبينه بتحبين هله اكيد ..
انا ريلي عنده اخت وحده واحنا شرات الخوات بالرغم من قلة لقاءاتنا لكن وربي اذا التقينا تشوفين دمعتنا تسبق
سلامنا … ولله الحمد ….
وبعدين الغاليه … اذا تبين تعيشين وانتي مرتاحه وتحين راسج ع مخدتج وقلبج مافيه احقاد … لازم تحاولين التعايش
مع البشر المحيطين بج بحب … حاولي تكسبين الكل …
وربي يوفقج…
بالنسبه لأخوان الريل … مايجوز انا نجتمع فيهم من الاساس لأنهم مب محارمنا ..
وبالنسبه لأخوان الريل
أ أولا مب كل الناس نفس الشي عشان ينقلون رمسه والخ والاساس ان نحسن الظن بالآخرين ..
وبالنسبه لنقل الكلام خليهم ينقلون من اليوم الين يوم القيامه ماتبين أجر ؟؟
وغاليتي لو حد قارن لج فلانه او علانه فهذا لأنج مميزه … يعني المفروض تستانسين ..
والسموحه
ا
اذا عاملتيهم شرات خواتج اكيد بتشوفين المعامله الحلوه هذي المقولة القديمة على ايام جداتنا وانا ما اعترف فيهاااا
بس انا مب معرسه وعندي حرمة اخ واااحده نعاملها شرات اختنا واكثر لدرجة نقولها اسرارنا واختنا الكبيره ما نخبرهااا وهي ما تستاهل هالثقة ولا معبره حد وشايفه نفسها على شووو ما ادري؟؟؟
حتى عيالهااا لو تسمعين شو يقولون حقنا يسبون بكلام الله يستر منه وهي عادي حتى عيب يا فلان ما تقول بس مره سبوا اختها وسوت لنا سالفه عيالي تموا يسبون اختي وادري شووو انزين اختج ما رضيتي عليها ونحن عااااادي
ليش جيه؟؟
خليها في القلب تجرح ولا تطلع براااا وتفضح
المشاركة الأصلية كتبت بواسطة RaiN 
أ أولا مب كل الناس نفس الشي عشان ينقلون رمسه والخ والاساس ان نحسن الظن بالآخرين ..
وبالنسبه لنقل الكلام خليهم ينقلون من اليوم الين يوم القيامه ماتبين أجر ؟؟
وغاليتي لو حد قارن لج فلانه او علانه فهذا لأنج مميزه … يعني المفروض تستانسين ..
والسموحه
ا
لوووول اكيد ابا الاجر بس كل يوم نقل كلام الصراحة عوار راس .. و انا كتبت عن نفسي انا مب كل الناس جي. و حريم اخوان ريلي مول ما احب انه حد يقارن بيناتنا لأنه بعد مصدر مشاكل بالنسبة لي انا 🙂
واحسن بعد…
لا تسمعين كلام الغير…اللي يقولون لازم تكون في حساسية بين خوات الريال و حرمته و كلام المسلسلات و غيره…
خلج طبيعية معاهم و بادري بالاشيا الحلوة…يعني مثلا تسمعين وحدة من خوات ريلج تريد شي قوليلها انا بييبلج ولا بتروحون مول اعزميهن مرة معاج..
عيبج قميص نوم اشتريلج واحد و اشتري لحرمة اخو ريلج ما فيها شي…خلج طيبة الكل بيحبج و بيحترمج…
عامل الناس كما تحب ان تعامل…