بنااات حد منكن تعالج بالحجامة من مشاكل الحمل؟!
ابصراحه انا تعبت من المستشفيات والعمليات والأدوية
تعبتني نفسيا 
كان فيني كيس ماي قبل 11 سنة وشليته بعملية جراحية.. والدكتورة شلت جزء من التيوب اللي على المبيض الايمن والحمدالله عل كل حال
والحينه عندي البطانة المهاجرة امسببتلي آلام فظيعة واااايد ما اتحملها شهريا اترقد في المستشفى 
و أكمل؟ 
عندي الياف في الرحم وقالوا لي لازم اسوي عملية ..
واللي قالي عندي التصاقات والرحم نااازل
مادري أبدا في شو !؟؟
بس الحمدالله على كل حال استويت متقبلة وإيماني قوي بالله واقول ما في شي بعيد عن رب العالمين 
في الاخير قلت خلني اتعالج بالحجامة ومثل ما اتعرفن من السنة النبوية واشوف تجاربكن ولو اتعالجتن في مكان معين اتمنى حد يفيدني..
وبالتوفيق لي ولكم يارب
نحن نتعامل مع الحجامة "ام محمد" بين فترة وفترة نزقرها البيت تحجملنا…والحمدلله تحسنا وااايد بفضل الله..
ومراتاً تخبرنا عن قصص اللي عالجتهم وتحسنوا،
مرة خبرتنا عن سالفة وحدة ريلها يابها عندها عشان تتعالج من مشكله ،بس ما كان نيتهم الحمل ، وعقبها بشهور دق على ام محمد وبشرها ان حرمته حملت عقب ما حجمتلها وخبرها انهم صارلهم ٥ سنوات معرسين وما كان يصير حمل .فسبحان الله..
وعقبها الريال خبر ربيعه وربيعه خذ حرمته وماشاء الله حملت ويابت بيبي..
فانتي توكلي على الله وصلي استخاره.. وحجمي ..بس قبل ما تحجمين لازم تشرحينلها شو مشكلتج بالظبط..والله يشفي جمييييييع مرضى المسلميين آآآآمين
أتكلملي على الله واكثري الاستغفار.
والمشكله كان رقمه عندي وامسح.
وتقريبا أعاد للأعشاب عطاني حق ٣ اشهر ومجموعه كبيره ١٣٠٠ درهم. ما همنا البيزات دام وراها فايده.
والله يرزقج ويزرق كل محرومه يا رب
ما اعرف محجمة زينة و لا دليتج عليها