.
.
بنــات عنـدي استفســار في صلاة قيـام الليل ..
انا الحمدلله عرفـت كيف يصلوونهآإ بـعد ماقرييت موضوع الاخــت تآجره عاديه
يزآإهــا الله ألـف خيير .. لكـن المشكلـه اني ماعرف شو اقرى من الايـات فيها
سمـعت انه اقرى سورة البقــره وانا مــب حافظتنها يعني اقراها كلها ولا جزء منها ؟؟
وسمعت انه عــادي اقرى من المصــحف .. بس مافهمت
يعنـي كيف اقرى من المصحف .. مثلا وانا واقفه اصلي يكوون المصحـف فإيدي ؟..
انزين يعني هالشي ما بيشتت نظري فـ الصلاه فهمووني يزاكم الله خير
وشو من الايـات والسور اقرى فـ الصلااه
.
.
وهـل في دعااء لازم اني اقووله فـ الصلاه .. واذا في شو هو الدعــاء
خبرووني اكثـر لاني مابا اصلي وانا شـاكه فـ صلاتي ..
ويزآهــا الله خيير اللي بتقول لي .. وفـ ميزان حسناتها ان شاء الله
الله يثبتج على طاعته ^^
اممم عادي تمسكين القرآن وتقرين منه…
انا عندي قرآن صغير مجزأ…
يعني كل جزء رووحه…
واقرا منه عادي..
ووقت السجود…
اكون حاطة على يميني مخدة او كرسي…
اول ما انزل حق السجود احط القرآن واسجد… لان القرآن اشرف من انه ينحط عالارض ^^
ويوم اخلص السجدتين اشل القرآن واكمل الركعة الثانية…
وجيه 
بالنسبة للدعاء ادعي باللي في خااطرج.. مافي شي معين..
وعلى آخر ۳ ركعات اللي هم الشفع والوتررر.
تقرين في الركعة الاولى سورة الأعلى
والركعة الثانية سورة الكافرون..
وركعة الوتر .. تقرين فيها سورة الاخلاص…
ويوم ترفعين من الركووع … تقرين دعاآء القنووووت
من حديث الحسن بن علي رضي الله عنه قال : علمني رسول الله ۳ كلمات أقولهن في الوتر" اللهم أهدني ، فيمن هديت و عافني فيمن عافيت ، و تولني فيمن توليت ،و بارك لي فيما أعطيت ، وقني شر ما قضيت ، فإنك تقضي ولا يقضى عليك ، و إنه لا يذل من واليت ، و لا يعز من عاديت ، تباركت ربنا و تعاليت ،و صل الله على النبي محمد " قال الترميذي هذا حديث حسن . قال : ولا يعرف عن النبي r في القنوت شيء أحسن من هذا .
وعقب هالكلمات تدعين للمؤمنين والمؤمنات والمسلمين والمسلمات الاحياء منهم والاموات…
ووعقب تدعين باللي في خااطرج… وتختمين الدعاء بالصلاة عالنبي…
وتسجدين*
انا هذا اللي اسويه…
وذا في غلط في كلامي اتمنى الخوات يصححونه ^^
ومنكم نستفيد
مــاقصرتـي الغآإليـه .. بس سورة البقره شـرط نقراها ولا عادي اي سورة ثانيه غيرها
وان شاء الله بــاقي البنات يفيدووني اكثر
فـ ميزان حسناتج الغاليه
المشاركة الأصلية كتبت بواسطة smsOmaH style 
مــاقصرتـي الغآإليـه .. بس سورة البقره شـرط نقراها ولا عادي اي سورة ثانيه غيرها
وان شاء الله بــاقي البنات يفيدووني اكثر
فـ ميزان حسناتج الغاليه
الاخت مرافيء الصمت ما قصرت ما شاء الله عليها
أما بالنسبة لسؤالج….. لا فديتج مب شرط بس تقرين البقرة تقرين ما تيسر لج من القرآن أي سورة لا تتقيدين بالبقرة….
طالبتنج فالقيام ادعي لي الله يرزقني الذرية الصالحة المعافاة .gif "12 (15)")
مشكووره الغــاليه ماقصرتي حبووبه ..
بـس تبين دعــاء !! ان شاء الله من عيووني (:
مراافئ صمت يزااج الله خيير توني اعرف انه بالشفع والوتر اياات معينه ..