عمانية وإلا إماراتية ؟؟؟؟؟؟

السلام عليكم ورحمة الله وبركاته
شحالكن خواتي ؟؟؟
حبيت إنكم تشاركوني بأراءكم واللي ممكن تفيدني !!!
طبعا أنا بتكلم عن نفسي فالبداية عشان تتضح عندكم السالفة أنا أمي مواطنة وأبويه عماني والحمد الله على هالنعمه لكن هالمكس الغاوي امسولي مطبات في حياتي أول شي طبعا أنا إنولدت في هالبلاد وإتربيت فيها ودرست فيها وبما إن أماية راعية الدار طبعا نحن سلكنا دربها في كل شي ومول مالنا علاقة في بلاد أبويه<<<< يعني مب بلادج!!!
المهم من صغري وأنا صدق أحس بالفرق من حيث المدرسة وخلاف الجامعه وبعدين الدوام والدولة لها الحق إنها تفرق لأني ما أحمل جنسية الدولة علماً بأن أهلي داااااخو عشانها ولين ألحين ما حصلناها …..
بتقولون لي وين المشكله ؟؟؟
المشكلة يطولي بعمركن العررررررررررررررررررررس <<<< هيه نعم
أنا مب عارفة شو أسوي ؟؟؟أول شي ما أتخيل عمري أتزوج عماني مب قصدي أنتقص منهم لكن بالنسبة لي العماني وافد وأنا ما أقدر أرتبط في إنسان حياته ومجتمعه وبيئه غير عنيه لا تقولون لي كلنا في الخليج نفس الشي لا والله غيييييييييير
وفي نفس الوقت خاطري إن الله يرزقني زوج مواطن أحس إني بتقبل الموضوع أكثر ……. تقريبا من أسبوع خطبني ولد عموتيه وأنا طبعا رفضت للسبب الوارد ذكره أعلااه >>>> روووووووووح
وهو إنسان ما عليه كلام الله حق لكن أنا ما اقدر أتخلى عن حياتي وكل اللي تعبت فيه وأرتبط فيه وأخلي هالبلاد وأسير عنده .
بتقولولي حرام عليج وإنتي اخرتج عمانية وما لج براة منه تراه ولد عمتج ومن هاي الرمسة !!! كلكم صادقين ومعاكم الحق بس أنا أفكر في جدام في عيالي إن شالله ماباهم يتلعوزون شراتي وشرات أخواني وهالبلاد مستحيل أخليها …. ياختية الهندي ما يصبر عنها تبييني أنا أسير عنها عمان والله ما أروم
ضميييييييييري إيأنبني من أسبوع أحس إني زعلتهم وعموه ما ترمسني عدل ؟؟؟؟ شو الراي
المهم ما أعتقد إن في شي بيتغير لأني رديت عليهم بس أباكم تدعولي بإن الله يرزقني ويرزق جميييييييع بنات المنتدى بالزوج الصالح عاجلاً غير أجل يا رب العالمين