عناد الطفل كيف اتصرف

طبعا الكل بيقول وين عناد قبل السنة حرام عليج ..
هو مب عناد عناد .. لكن بصراحة مشكلة مأزمتني ..

بنتي الله يهديها عمرها 9 شهور ..
ماشاء الله وااااااااايد حركية وماتيلس مكان واحد ولا تلعب في الالعاب ..
خصوصا الحين بدت تتحرك ..
فكله تدور الاشياء الخطرة واللي مالها خص فيها .. وهذا شي طبيعي اعتقد في هالسن ..
العابها تيودهن بس دقايق وتودرهن وتتعبث في الاشياء الباقية ..
الحين مب هنيه المشكلة ..

المشكلة يوم نطلع ..
مستحييييييييييييييييل ترضى تيلس في كرسي السيارة المخصص للأطفال ..
تتم تصيح وتصيح وتصيح بشكل هستيري كأنها باسم الله عليها بتتشنج .. لين اشلها منه ..

نفس الشي يوم نطلع السناتر ..
ما تبا تيلس في القاري .. تتصرف بنفس الطريقة وتتم تصيييييييييييييح وكل حد يطالعني بنظرات خخخخ
فشيلة ..
انا احب اوديها ويايه لأنه ماعندي خدامة وما احب اتكل على حد بشكل دايم ..
بس ماشي فايدة فيها ..
العاب واحطلها لكن ما تباهن ..
حتى قمت يوم نطلع ما اشل لعوبها اشتريلها لعبة يديدة من المركز اللي سايرينه
على اساس تلتهي بها .. لكن منو يقوووووووووووول .. ابد .. مالج امل

فما اعرف كيف اتصرف او شو اسوي ..
كيف اخليها تهدا شوي .. وتقنع بكرسي السيارة والقاري !
كيف اخلي هالموضوعين يمرون بسلام ..

ماشاء الله قبل كانت هادية وتسير عند كل حد وتتم في القاري والامور كلها تمام
الحين العكس تماما .. ما تسير عند حد .. ووايد تصيح وتلعوزني ..