اشحالكن كلن بحاااااله
صارلي اسبوع اسمع سالفه وحده هدت رضيعها من كثر الضغط والنفسيه والكآبه
لكن يوم عرفت الاسباب اللي أدت إلى هذا الشي ما ألووومها
خاصة الحرمه يوم تكون حامل .. النفسية تلعب دور .. وحاطه فيها بالها اشياء كثير حق مولودها
واكيد اختارتله احلى الاسامي ومتفقه مع زوجها في هالشي
لكن تخيلوا بعد ما تولد المسكينة تشوف صراع عائلي عسب تسمية المولود من اهل زوجها
وابوه خاصة وتعرفون الشياب راسهم يابس.. والزوج طبعا ويا زوجته وفاهم نفسيتها وحالتها وتوها مربيه عاشت ايام صعبه خلال شهر من ولدت وولدها ما تسمى والسبب .. الاهل ..
طبعا يوم وقف الزوج مع زوجته في تسميه المولود
ابوه حطه بين نارين وقاله انا متبري منك ومب راضي عليك حتى تسميه (( فلان ))
طبعا الزوجه كله صياح فالليل هي من صوب وولدها من صوب ومثل ما تعرفون فتره الاربعين فتره
صعبه وشقى والبيبي صغييير ومحتاج رعايه وهي مب رايمه تشل عمرها والاكتئاب طاغي عليها..
وماكان من الزوج الا انه يسميه مثل ما طلب ابوه
تخيلوا كله عشان رضى الوالدين .. يرضي ابوه ولا زوجته
حاول مع الاب وقاله ترا العيال بييوون وهذا مب اخر واحد ووو الخ لكن الشيبه مصنف!
حاولت تساير نفسها باللي صار بس للأسف ما تمالكت نفسها
وجاء اليوم اللي هدت فيه ولدها وقالت بأعلى صوتها..
انا ما اباااااااااااااااااه !!!!
تتخيلون الموقف ؟ أم تترك رضيعها ؟ وسط هالزحمه والاهل وصراعهم حتى اهلها تدخلوا فالسالفه لكن للاسف.. والزوج في حالة صعبه مب عارف شيسوي
يا ترى لو صارلكم مثل هالموقف .. شو راح تسون يا حريم .. ؟
انا يتني تدخلات من الصوبين في ولادتي الثانيه و الثالثه.. و دايما فيه اللي يزعل!
و الحين رابع مره.. الله يستر!
و انا ما الومها هالحرمه في اللي بتسويه.. اصلا محد له حق يسمي غير الام,,,الام,,,الام و عقب الابو
لو انا بسميه بالي يبونه بس الي عقبه غصب عنهم انا الي بختار
إني أسألك نعمة دائمة ,,
تفيض بها خيراتك ,,
وتتوسع بها أرزاقك ,,
وتتضاعف بها بركاتك ,,
وتزيد بها أفضالك ,,
وأعوذ بك ,,,
من أن تزول عني نعمك ,,
وتنقص عني خيراتك ,,
وتنقطع عني أرزاقك ,,,
وتنتهي عني بركاتك ,,
وتذهب عني أفضالك ,,,
